О‘zbekiston respublikasi oliy va о‘rta maxsus ta’lim vazirligi mirzo ulug‘bek nomidagi о‘zbekiston milliy universiteti

Kirish
Magistrlik dissertatsiya mavzusining asoslanishi va uning dolzarbligi:
Ushbu dissertatsiyada moliya bozori va iqtisodiyot sohasida qimmatli qog’ozlar bozori yo’nalishi tanlangan bo’lib, bu muammoni yechishning dasturiy tizimlashtirilganlik darajasi o’rganiladi hamda ushbu soha bo’yicha zamon talablariga javob beradigan matematik tizimlardan foydalanib, Qimmatli qog’ozlar bozorida narxlarni aniqlashda matematik tizimlar bo’yicha qo’llanma vazifasini bajaradi. Jumladan qimmatli qog’ozlar, aksiyalar, obligatsiyalar yo’nalishini matematik tizimlashtirish muammolari bugungi kunda chuqur o’rganilmagan va yetarli darajada tizimlashtirilmaganligini nazarda tutgan holda. Matematik tizimlashtirish, dasturiy ta’minot paketlarni yaratish, kengaytirish, takomillashtirish, rivojlantirish masalalari ko’rib chiqilgan.
“Qimmatli qog’ozlar qiymatini baholash” qimmatli qog’ozlar qiymati va narxi, hosilaviy va boshqa turdagi qimmatli qog’ozlar qiymatini baholash va qimmatli qog’ozlar qiymatini baholash to’g’risida hisobotni o’rgatishdan iborat. Bugungi kunda moliya va iqtisodiyotda amaliy va nazariy masalalari turli-tuman bo‘lib, bunda statisik ma’lumotlarni tahlil qilish usullari, iqtisodiy jarayonning rivojlanish holatini baholash va prognoz qilish masalalari dolzarb hisoblanadi. Iqtisodiy jarayonlarning noaniqlik va ehtimollik bilan bog’liqligi hamda stoxastik xarakterdaligi bu jarayonlarni tadbiq etishda ehtimollar nazariyasi va matematik statistika usuliarini qo‘llashni taqozo etadi. iqtisodiy jarayonlarni modellashtirish bilan birga bu jarayonlarning yechimini optimallashtirish ham muhimdir. Bu esa o‘z navbatida matematik tizimlar asosida matematik programmalashtirish va olingan natijalarni hayotga tadbiq qilish usullarini qo'llash moliya va iqtisodyot soxasida qimmatli qog’ozlar narxini katta ehtimollik bilan hisoblab yurtimizda qimmatli qog’ozlar bilan ishlash savdosini yo’lga qo’yish va rivojlangan davlatlar qatorida, qimmatli qog’ozlar bilan ishlashni jadal sur’atlar bilan rivojlantirish talab etadi.