Epoksidli smolalar asosidagi yelimlar. Bu yelimlar sovuqlayin
va qaynoq holda qotadigan turlarga bo‘linadi ular asosida fizikaviy-
mexanikaviy xususiyatlari juda yaxshi bo‘lgan birikmalar hosil
qilinadi. Epoksidli yelimlar asosida hosil qilingan birikmalar suv,
moy va benzin ta’siriga chidamli bo‘ladi. Poliuretan smola asosidagi yelimlar. Poliuretan smola asosidagi
yelimlarning adgezion xususiyati yaxshi bo‘lib, xona haroratida
va qaynoq holda ishlatish mumkin. Yelim tayyorlashda poliefir
va poliizotsianatlarning gidroksidlaridan foydalaniladi. Poliuretan
smoialar asosidagi yelimlar metall va metallmas materiallarni
yelimlashda ishlatiladi. Hosil qilingan birikmalar quyidagi xususiyatlarga
ega bo‘ladi: neft mahsulotlari ta’siriga chidamli, titrash va
zarb ta’siriga mustahkamligi yuqori, haroratning tezlik bilan o‘zgarishiga
chidamli.
Poliuretan smola asosidagi yelimlar Вилад 11К–1, Вилад 13–
2M, ГПК 24–11, КЛМ–1, РУ–2, ВК–5, ВК–11 kabi markalarda
ishlab chiqariladi. Bu yelimlar asosida hosil qilingan birikmalarning
siljishdagi mustahkamligi 3–20 MPa oralig‘ida bo‘ladi. Ularni
minus 60 dan 200°C gacha ishlatish mumkin. Yelimlarni 6 oygacha
(ba’zi bir markalari 12 oygacha) muddatda saqlash mumkin.
Do'stlaringiz bilan baham: |