O’zbekiston respublikasi oliy va o’rta maxsus ta’lim vazirligi guliston davlat universiteti hamdamov U. E ingliz tili fanidan o’quv-uslubiy majmua Guliston -2017 Annotation

Фан бўйича талабаларнинг билим, кўникма ва малакаларига қўйиладиган талаблар
Бакалавр “Хорижий тиллар” фани бўйича фанни ўрганиш жараёнида қўйилган мақсадга эришиш учун қуйидагиларни билиши керак:

• 
  талаффуз қоидаларига риоя қилиш; инглиз тилидаги грамматик ҳодисаларни она тилига тўғри таржима қилиш; ҳар бир босқич учун мўлжалланган лексик минимумни ўзлаштириш;
  
• 
  оригинал ижтимоий-сиёсий адабиётларни, шунингдек мутахассисликка оид адабиётларни эркин ўқий олиш; мутахассисликка оид ижтимоий-сиёсий адабиётларни луғат ёрдамида ва луғатсиз таржима қилиш; ўқилган адабиёт бўйича реферат ва аннотациялар тайёрлаш; мутахасисликка оид матнларда учрайдиган мураккаб грамматик конструкцияларни тушуниш ва таржима қилиш; таҳлил, синтез, башорат қилиш, таркибий қисмлардан иборат бутунликни тиклай олиш бўйича малакага эга бўлиш;
  
• 
  ўз йўналиши бўйича оригинал адабиёт билан танишиб, ўз малакасини ошириш; муҳокама олиб бориш; турли тадбирларда чет тилида сўзга чиқиш, конференция, симпозиумларда қатнашиш, чет эллик ҳамкорлар билан оғзаки ва ёзма мулоқот олиб бориш; инглиз тилида ҳужжатлар билан ишлашни билиш ва бошқалар; чет тили бўйича олинган билимларни ўз касбий фаолиятида қўллаш.
  

“Чет тиллар бўйича таълимнинг барча босқичлари битирувчиларининг тайёргарлик даражасига қўйиладиган талаблар”да олий таълим муассасаларининг ихтисослиги инглиз тили бўлмаган факультетлари бакалавриат босқичи битирувчилари тўрт йиллик таҳсиллари ниҳоясида ўрганган инглиз тили бўйича В2 даражани эгаллашлари шарт. Унга кўра битирувчи талабалар В2 даражани таъминловчи қуйидаги коммуникатив компетенцияларни эгаллашлари лозим.
Лингвистик компетенция:
Тинглаб тушуниш

• 
  узоқ давом этган суҳбат ва мураккаб далиллар келтирилган матнни тушуниш ва идрок этиш;
  
• 
  маьруза, суҳбат, мукаммал йўриқномалар, академик ва касбий презентациялар, савол-жавоблар асосий мазмунини тушуна олиш;
  
• 
  реклама, эьлон ва маьлумотномаларни тушуниш;
  
• 
  мураккаб аутентик нутқни таниш ва нотаниш контекстда тушуна олиш;
  
• 
  тил соҳиблари суҳбатлари ва баҳс- мунозараларини тушуна олиш;
  
• 
  радио ва интернет материаллари, интервьюларни (суҳбат) тўлиқ даражада тушуна олиш.