O’zbekiston respublikasi oliy va o’rta maxsus ta’lim vazirligi farg’ona politexnika instituti

Kurs ishi tuzilmasi va mazmuni
Kurs ishi tarkibiy jihatdan reja, kirish, asosiy qism, xulosa, foydalanilgan adabiyotlar ro‘yxatidan iborat bo‘ladi.
Rejada kurs ishida yoritiladigan bo‘lim va paragraflar nomlari hamda raqamlari keltiriladi.
Kirish qismida iqtisodiyotdagi islohotlar, erishilgan natijalar, tanlangan mavzudan kelib chiqqan holda mavjud muammolar, mavzuning dolzarbligi, maqsadi,vazifalari, ob’yekti, kurs ishi tarkibi yoritiladi.
Asosiy qismda mavzu mohiyati tuzilgan reja asosida nazariy va amaliy jihatdan yoritiladi. Yuqorida izohlanganidek,sanoatga taalluqli masalalar nazariy jihatdan yoritilib,masalaning asosiy jihatlari,xususiyatlar,asoslari va unga tegishli me’yoriy-huquqiy hujjatlar aniqlashtirilgan holda bayon etiladi.SHuningdek,masalaga tegishli qisman baholash jarayoni ham amalga oshiriladi.Bu bilan talaba har qanday masala yoki muammo yuzasidan analitik ishlarni amalga oshirish va ular bo’yicha mustaqil xulosaga kelish ko’nikmasiga ega bo’ladi.Xulosa qismida esa bajarilgan ish bo’yicha umumiy xulosalar keltiriladi.
Adabiyotlar ro‘yxatiga kurs ishini bajarish davomida foydalanilgan axborot manbalari kiritiladi. Adabiyotlar bibliografiya talablari bo‘yicha alfavit tartibida rasmiylashtiriladi. (alfavit tartibida muallif ismi sharifi, asarning to‘liq nomi nashriyot va chiqarilgan yil). SHuningdek,foydalanilgan internet manzillarini aniq ko’rsatilishi ham zarurdir.
Ilovada fikrlar xulosa va takliflarning asoslanganligini ifodalovchi yordamchi ma’lumotlar keltiriladi. Ilova alohida varoqda, yuqori o‘ng burchakda “Ilova” so‘zi ko‘rsatilgan holda beriladi va arab raqamida raqamlanadi.


Kurs ishini rasmiylashtirish va himoya qilish tartibi.
Kurs ishini umumiy talablarga mos ravishda rasmiylashtiriladi va tegishlijadvallar, grafiklarni o‘z ichiga olgan tushuntirish xati tarzida topshiriladi. Tushuntirish xati A – 4 (203*288) formatli standart oq qog`ozning bir tomonida chop etiladi.Kurs ishi yozma yoki kompyuter variantida tayyorlanishi mumkin.
Kurs ishida qoida tariqasida, standart varaqda 1,5 qator oralig`ida yozilishi lozim, har bir bet xoshiyasi: yuqoridan, pastdan 2 sm va o`ngdan 1sm, chapdan 3 sm bo`lishi lozim.
Kurs ishi matnini kompyuterda bosib chiqarishda “Times New Roman” 14 o`lchamli shriftini qo`llagan holda hamlda matn oralig’i 1,5 interval bo’lishini e’tiborga olib Misrosoft Word matn redaktoridan foydalanish tavsiya qilinadi.
Kurs ishi qo‘lyozma variantida (25-30 bet) va kompyuter variantida (30-35 bet) tayyorlanishi mumkin. Kurs ishiga sahifa raqamlari pastki qismga o’rtaga qo’yiladi.Ish hatosiz, so‘zlarni qisqartirmasdan yozilishi kerak. Ish nihoyasida foydalanilgan adabiyotlar ro‘yxati kiritiladi. Kurs ishida adabiy manbalardan olingan muallif fikrlari ko‘chirma gap sifatida keltirilgan bo‘lsa, o‘sha varaq oxirida manba to‘g’risida ma’lumot ko‘rsatilishi kerak. Ishning barcha varaqlari va jadvallarda ularning tartib raqami qo‘yilishi shart. Kurs ishi himoyasi muddati o‘quv jadvali bilan belgilanadi. Bajarilgan kurs ishi dastlab tekshirish uchun rahbarga topshiriladi. Kafedradan belgilangan o‘qituvchi ishga taqriz yozganidan keyin himoyaga ruxsat beriladi. Kurs ishi kafedra a’zolaridan tuzilgan komissiya tomonidan qabul qilinadi.