Haraklar strategiyasi bo'yicha erishilgan natijalar, muommolar,takliflarni hayotiy misollar bilan tushuntirish

Haraklar strategiyasi bo'yicha erishilgan natijalar, muommolar,takliflarni hayotiy misollar bilan tushuntirish





HARAKATLAR STRATEGIYASINING TO'RT YILLIK SARHISOBI: ISLOHOTLAR SAMARASI VA ERISHILGAN NATIJALAR

2017 yilda Davlat rahbarining g'oyasi va tashabbusi bilan joriy etilgan, O'zbekistonni har tomonlama taraqqiy ettirish, dunyoning ilg'or demokratik davlatlari qatoridan joy olishi va jahon maydonida munosib o'rin egallashi asosiy maqsad etib belgilangan Harakatlar strategiyasi mamlakatning yaqin istiqboldagi taraqqiyot yo'lining bosh ustuvor hujjati sifatida xalqaro jamoatchilik, nufuzli ekspert-mutaxassislar, davlat va jamoat arboblari, siyosatshunoslar tomonidan yuqori baholandi.

2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha Harakatlar strategiyasida O'zbekistonni rivojlantirishning beshta ustuvor yo'nalishi belgilab berilgan bo'lib, ularning har birida mamlakatda yangi bosqichdagi demokratik islohotlarni yanada chuqurlashtirish va samaradorligini ta'minlashga oid aniq chora-tadbirlar o'z aksini topgan.

Yil yakunlanib borar ekan, “O'tgan 4 yil mobaynida amalga oshirilgan islohotlar o'zining kutilgan natijalarini beryaptimi?” degan mazmundagi savollar tug'ilishi tabiiy.

Shu sababli 2020 yilning 4 dekabr kuni “Taraqqiyot strategiyasi” markazi tashabbusi bilan O'zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligida Harakatlar strategiyasi hamda joriy “Ilm, ma'rifat va raqamli iqtisodiyotni rivojlantirish yili” Davlat dasturining ijrosi haqida keng jamoatchilikni xabardor etish maqsadida 5 ta ustuvor yo'nalish bo'yicha 5 ta matbuot anjumani tashkil etildi.

Ularning dastlabkisi “Davlat va jamiyat qurilishi tizimini takomillashtirishning ustuvor yo'nalishlari” bo'yicha amalga oshirilgan islohotlar sarhisobiga bag'ishlandi.

Unda Oliy Majlis Qonunchilik palatasi deputatlari, Senat a'zolari, vazirlik va idoralar mutasaddilari, “Taraqqiyot strategiyasi” markazi hamda ommaviy axborot vositalari xodimlari ishtirok etdi.

Matbuot anjumanida Harakatlar strategiyasining mazkur yo'nalishida to'rt yil davomida bajarilgan ishlar sarhisob qilindi.

Ta'kidlanganidek, Harakatlar strategiyasi, xususan, joriy yilgi Davlat dasturining birinchi ustuvor yo'nalishidan kelib chiqib, Oliy Majlis Senatining qonun ijodkorligi va parlament nazoratidagi rolini oshirish, mahalliy Kengashlar bilan hamkorligini yanada kuchaytirish, Oliy Majlis Qonunchilik palatasining to'g'ridan-to'g'ri amal qiluvchi qonunlarni qabul qilish, parlament tekshiruvi institutidan samarali foydalanish borasida salmoqdi ishlar amalga oshirildi.

Shuningdek, parlament a'zolari hamda vazirlik va idoralar vakillari Qonunchilik tashabbusi huquqi sub'yektlarining qonun ijodkorligi jarayonidagi tashabbuskorligi va mas'uliyatini oshirish, “Elektron parlament” tizimi loyihalarini amalga oshirish, xorijiy mamlakatlar bilan munosabatlarni rivojlantirishda parlamentning rolini yanada kuchaytirish bo'yicha amalga oshirilgan ishlarga ham to'xtalib o'tishdi.

Matbuot anjumanining navbatdagisi “Qonun ustuvorligini ta'minlash va sud-huquq tizimini yanada isloh qilishning ustuvor yo'nalishlari”ga bag'ishlandi.

Unda Oliy sud, Bosh prokuratura, Ichki ishlar vazirligi, Adliya vazirligi mutasaddilari, “Taraqqiyot strategiyasi” markazi hamda ommaviy axborot vositalari xodimlari ishtirok etdi.

Matbuot anjumanida Harakatlar strategiyasining mazkur yo'nalishida to'rt yil davomida bajarilgan ishlar sarhisob qilinib, xususan, joriy yilgi Davlat dasturining ikkinchi yo'nalishi ijrosi qanday ta'minlanayotgani borasida vazirlik, davlat organlari mutasaddilari tomonidan ma'lumot berildi.

Xususan, propiska tizimini isloh qilish maqsadida qabul qilingan qonunlar, O'zbekiston Respublikasi Prezidentining farmoni, Hukumat qarori haqida to'xtalib o'tildi.

Joriy yilning 1 aprelidan boshlab Toshkent shahri va Toshkent viloyatida ko'chmas mulk olishda mamlakatimiz fuqarolari uchun ushbu hududlarda doimiy propiska talab qilinmasligini ko'zda tutuvchi tartib joriy qilingani fuqarolarning uzoq yillik muammolariga yechim bo'lgani alohida ta'kidlandi.

Shuningdek, matbuot anjumanida yuridik fan va ta'limni takomillashtirish, yuridik kadrlarni tayyorlash, qayta tayyorlash va ularning malakasini oshirish tizimini rivojlantirish yuzasidan Prezident Farmoni, Hukumat qarori bilan tasdiqlangan nodavlat sud-ekspertiza tashkilotlari faoliyatini tashkil etish bo'yicha nizomlar haqida ham ma'lumot berildi.

“Iqtisodiyotni rivojlantirishning ustuvor yo'nalishlari” bo'yicha amalga oshirilgan ishlar sarhisobiga bag'ishlangan matbuot anjumanida iqtisodiy sohaga daxldor bo'lgan tegishli vazirlik va idoralar, Markaziy bank mutasaddilari, “Taraqqiyot strategiyasi” markazi hamda ommaviy axborot vositalari xodimlari ishtirok etdi.

Iqtisodiy sohada amalga oshirilgan chora-tadbirlar muhokamasi hamda tahliliga bag'ishlangan matbuot anjumanida Harakatlar strategiyasining mazkur yo'nalishida to'rt yil davomida bajarilgan ishlar sarhisob qilindi.

Xususan, tegishli vazirlik va idoralar mutasaddilari Harakatlar strategiyasi, xususan, joriy yilgi “Ilm, ma'rifat va raqamli iqtisodiyotni rivojlantirish yili” Davlat dasturi doirasida iqtisodiy sohada, jumladan, narx-navo barqarorligi ta'minlash, inflyatsiya, makroiqtisodiy barqarorlik, soliq islohotlari, byudjet mablag'laridan samarali foydalanish, investitsiyalarni jalb qilish, tadbirkorlik uchun yaratilgan qulay muhit, bank islohotlari, transport infratuzilmasini rivojlantirish borasida amalga oshirilgan ishlar bo'yicha ma'lumot berishdi.

“Ijtimoiy sohani rivojlantirishning ustuvor yo'nalishlari”, deb nomlangan to'rtinchi ustuvor yo'nalish ijrosini ta'minlash borasidagi ishlar yuzasidan o'tkazilgan matbuot anjumanida Maktabgacha ta'lim vazirligi, Xalq ta'limi vazirligi, Oliy va o'rta maxsus ta'lim vazirligi, Innovatsion rivojlanish vazirligi, Qurilish vazirligi, Uy-joy kommunal xizmat ko'rsatish vazirligi, Sog'liqni saqlash vazirligi, Bandlik va mehnat munosabatlari vazirligi mutasaddilari, “Taraqqiyot strategiyasi” markazi hamda ommaviy axborot vositalari xodimlari ishtirok etdi.

Matbuot anjumanida Harakatlar strategiyasining mazkur yo'nalishida to'rt yil davomida bajarilgan ishlar sarhisob qilindi. Xususan, tegishli vazirlik mutasaddilari Harakatlar strategiyasi, xususan, joriy yilgi “Ilm, ma'rifat va raqamli iqtisodiyotni rivojlantirish yili” Davlat dasturi doirasida ijtimoiy sohada, jumladan, aholi, ayniqsa yoshlarning bandligini ta'minlash, fuqarolarni ijtimoiy himoya qilish va salomatligini saqlash, fan, ta'lim, madaniyat va sport sohasini takomillashtirish, yo'l-transport, muhandislik-kommunikatsiya hamda ijtimoiy infratuzilmani rivojlantirish bilan bog'liq chora-tadbirlarni amalga oshirish bo'yicha amalga oshirilgan ishlar haqida ma'lumot berishdi.

“Xavfsizlik, millatlararo totuvlik va diniy bag'rikenglikni ta'minlash hamda chuqur o'ylangan, o'zaro manfaatli va amaliy tashqi siyosatni amalga oshirish sohasidagi ustuvor yo'nalishlar”ga bag'ishlangan matbuot anjumanida Tashqi ishlar vazirligi, Mudofaa vazirligi, Inson huquqlari bo'yicha milliy markaz, Din ishlari bo'yicha qo'mita, Millatlararo munosabatlar va xorijiy mamlakatlar bilan do'stlik aloqalari qo'mitasi mutasaddilari, “Taraqqiyot strategiyasi” markazi hamda ommaviy axborot vositalari xodimlari ishtirok etdi.

Ta'kidlanganidek, Harakatlar strategiyasi, xususan, joriy yilgi Davlat dasturining beshinchi ustuvor yo'nalishidan kelib chiqib, davlat harbiy tashkiloti va mamlakat mudofaa tizimini yanada takomillashtirish, mutaassiblik, ekstremizm va terrorizmning asl maqsadi va mazmun-mohiyatini ochib beruvchi targ'ibot ishlari jadallashtirildi, millatlararo munosabatlar va xorijiy mamlakatlar bilan do'stlik aloqalari, yurtimiz allomalari hayoti, ilmiy merosiga bag'ishlangan va diniy bag'rikenglik mavzularida xalqaro ilmiy-amaliy konferentsiyalar o'tkazildi.

Shuningdek, tadbirda mahalliy mahsulotlarning mintaqaviy va xalqaro bozorlarga olib chiqilishini yengillashtirish borasida amalga oshirilgan ishlar, O'zbekiston Respublikasining tashqi siyosiy faoliyatini, mamlakatning xalqaro munosabatlarning teng huquqli sub'ekti sifatidagi o'rni va rolini oshirish, O'zbekistonning yon-atrofida xavfsizlik, barqarorlik va ahil qo'shnichilik muhitini shakllantirish va boshqa masalalar bo'yicha amalga oshirilgan ishlarga ham to'xtalib o'tildi.

Harakatlar strategiyasi doirasida amalga oshirilgan ishlar chuqur tahlil qilinadi
2017-2020 yillarda shaharlarda energiya jihatdan samarador arzon ko‘p kvartirali uylarni qurish va rekonstruksiya qilish dasturi amalga oshirilmoqda, uning doirasida 50 286 ta xonadondan iborat 1 136 ta ko‘p qavatli uylarni, bundan tashqari, namunaviy loyiha asosida qishloq joylarida 75 ming turar joylarni qurish mo‘ljallangan.

Yevropa Ittifoqi va 21 ta xorijiy mamlakat bilan savdo-iqtisodiy, investitsiya, texnologiya va moliyaviy-texnik sohalarda 22 ta “yo‘l xarita”lari tasdiqlandi.

Harakatlar strategiyasida nazarda tutilgan O‘zbekiston Respublikasini rivojlantirishning ustuvor yo‘nalishlarini amalga oshirish bo‘yicha komissiyalar “Taraqqiyot strategiyasi” markazi bilan hamkorlikda faoliyat yuritadi.

2017 yilning avgust-sentabr oylari davomida statistik va boshqa ma’lumotlarni yig‘ish, qabul qilingan normativ-huquqiy hujjatlarni va barcha darajadagi davlat organlari faoliyatining natijalarini o‘rganish, shuningdek, fuqarolik jamiyati institutlari, ommaviy axborot vositalari, ilmiy doira vakillari va xorijiy mutaxassislarni keng jalb etgan holda uchrashuvlar, "davra suhbatlari", so‘rovlar, ekspert va jamoatchilik muhokamalari o‘tkazish orqali Harakatlar strategiyasini amalga oshirish yakunlari tizimli tahlil qilinadi.

2017 yil 1 dekabrga qadar muddatda mamlakatni rivojlantirish yakunlarini hisobga olgan holda “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Xalq bilan muloqot va inson manfaatlari yili"da amalga oshirishga oid Davlat dasturining ijrosi” axborot-tahliliy sharhi nashr etilishi va tarqatiladi.

Harakatlar strategiyasini 2018 yilda amalga oshirish bo‘yicha ishlab chiqiladigan Davlat dasturi loyihasiga kiritish uchun taqdim etiladigan dolzarb takliflarning tayyorlanishi, yig‘ilishi va umumlashtirilishini, ularning 2017 yil 10 noyabrga qadar muddatda Harakatlar strategiyasini amalga oshirish bo‘yicha Milliy komissiyaga ko‘rib chiqish uchun kiritilishini ta’minlanadi.

Fakultet; Buxgalteriya hisobi va audit .
Tayyorladi; Jamoliddinov Farrux
Foydalanilgan manbalar: www uzedu. uz
www.strategy. uz.