Demokratiya haqida so'z borar ekan, avvalo uning lug'aviy ma'nosini bilib olishimiz

---

Demokratik jamiyat sari
Demokratiya haqida so'z borar ekan, avvalo uning lug'aviy ma'nosini bilib olishimiz
kerak. Demokratiya yunoncha so'zdan olingan bo'lib demos-xalq, kratos-hokimiyat
ya'ni xalq hokimiyati degan ma'noni anglatadi. O'zbekiston o'zining azaliy orzusi
bo'lmish, mustaqilligini 1991-yil 31-avgustda e'lon qilib, o'z oldida insonparvar
demokratik huquqiy davlat barpo etishdek konstitutsiyaviy maqsadni qo'ydi.
Bungacha O'zbekiston sobiq sovet davlati tarkibida bo'lib, totalitar tuzum davrini
boshidan kechirgan va bu totalitar davlatda demokratiyani barcha ko'rinishlari bekor
qilingan
edi.
Demokratiya
fuqarolar
erkinligi
va
tengligi
qonunlarda
mustahkamlangan, xalq hokimiyatchiligining vosita va shakllari amalda o'rnatilgan va
yuzaga chiqarilgan bo'ladi. Uzoq tarixiy yillar davomida xalqimizni ma'naviy
qashshoqlik va bilimsizlikda, huquq va erkinliklaridan mahrum etib, demokratiyasiz
yashashga mahkum etgan sovet davlati oxir oqibatda tarqab ketgandan so'ng,
mustaqil davlatlar rivojlanishda demokratiya yo'lini tanlashdi. O'zbekiston
mustaqillikdan so'ng barcha sohalarni demokratiya asosida qayta qura boshladi.
Demokratiyaning bosh talabi bo'lmish, qonun ustivorligini ta'minlash, unga to'liq
erishish konstitutsiyaviy maqsad qilib belgilandi. O'zbekiston demokratik jamiyat
barpo etish jarayonlarini yanada tubdan isloh qilishga qaratilgan Kuchli davlatdan
kuchli fuqarolik jamiyat sari siyosiy qurilish dasturini ishlab chiqib, uning amaliy
ijrosini to'liq ta'minlashga kirishdi. Jamiyatni demokratik yanada isloh qilish
maqsadida hayotni barcha sohalarini, jumladan siyosiy va iqtisodiy jabhani, davlat
hamda jamiyat qurilishi jarayonlarini erkinlashtirish bosqichiga kirdi. O'zbekiston
Respublikasining siyosiy qurilishi ham demokratiyaga mos ravishda, saylov orqali
tashkil etila boshlandi. 1991-yilning 31-sentabr kuni O'zbekiston Respublikasi Oliy
Sovetining navbatdan tashqari VII sessiyasi "inson huquqlari umumjahon
deklaratsiyasi" ni ratifikatsiya qildi. Bu ham O'zbekistonda demokratik jamiyat qurish
uchun katta ahamiyatga ega bo'ldi. O'zbekiston Respublikasining birinchi prezidenti I.
A. KARIMOV taraqqiyotning ,,o'zbek modeli'' O'zbekistonda huquqiy demokratik davlat
va fuqarolik jamiyatiga o'tish, bozor iqtisodiga asoslangan demokratik jamiyat
qurishda jamoatchilik diqqatini qaratdi. Chunki demokratik jamiyat qurishni maqsad
qilgan xalq ongida avvallam bor huquqiy ong shakllangan bo'lishi kerak. Har bir inson
daxldorlik hissi bilan yashashi kerak. Eng taraqqiy etgan davlatlarda ham
demokratiya o'zining so'nggi bosqichiga yetb borgani yo'q, chunki barcha zamonda
ham, jamiyatda ham qarama-qarshilik, o'z manfaatini o'zgalar manfaatidan ustun
qo'yadigan shaxslar topiladi. Hozirgi kunda yurtimizda demokratik jamiyat qurish
uchun yanada keng imkoniyatlar yaratilib borilmoqda. O'zbekiston Respublikasi
Prezidenti Shavkat Miromonvich Mirziyoyev qanchalik qiyin va murakkab bo'lmasin,
demokratik islohotlar yo'lidan hech qachon qaytmaymiz degan so'zlari ham bunga
tasdiq bo'la oladi. Ommaviy axborot vositalariga erkinliklar berilib, jamiyatda
bo'layotgan voqealarni haqqoniy yoritib berish vazifasi yuklatilgan. Har bir rahbar o'z
vazifasini vijdonan bajarishi, bo'layotgan tanqidlarni to'g'ri qabul qilib, kerakli
xulosalar chiqarib, xalq manfaatlari yo'lida xizmat qilishi kerakligi, buning uchun
fuqarolarning huquqiy savodxonligini oshirish, o'z huquq va erkinliklarini bilgan holda
jamiyatda bo'layotgan voqealarga haqqoniy baho bera olishi kerak.