О‘zbekiston respublikasi oliy va о‘rta maxsus ta’lim vazirligi e. D. Yusupov, Z. K. Kusharov

4.    Boshqaruv  shakl  va  usullarini  takomillashtirib  borish 
tamoyili.
 Bozor iqtisodiyoti sharoitida boshqaruvning uch shakli  mavjud, 
jumladan:  xususiy,  jamoa  va  davlat  boshqaruvi.  Boshqaruvning  xususiy 
shaklida  mulkdor  yakka  о‘zi  qaror  qabul  qiladi  va  butun  ish  uchun 
javobgar  bо‘ladi.  Boshqaruvning  xususiy  shaklini  ijobiy  tomoni  mulk 
egasining  ishlar  borishini  о‘zi  tо‘liq  nazorat  qilish  imkoniyatiga  egaligi 
bо‘lsa, kamchiligini esa sarmoyaning uncha katta bо‘lmasligi va bir kishini 
boshqaruvning turli vazifalarini bajarishga majburligidir. 
Boshqaruvning  jamoa  shaklida  ikki  yoki  undan  kо‘p  jismoniy  va 
huquqiy  shaxslar  boshqaruv  qarorlarini  birgalikda  qabul  qiladilar  va 
korxona  yoki  aksionerlar  jamiyati  faoliyati  uchun  javobgar  bо‘ladilar. 
Sherikchilik  nisbatan  malakali  boshqaruv  qarorlarini  qabul  qilish, 
boshqaruvning  xususiy  shakli  kamchiliklarini  bartaraf  etishga  imkon 
yaratadi.  Boshqaruvning  jamoa  shaklini  afzalligi  sheriklarni  aksiya  sotish 
yо‘li bilan qо‘shimcha sarmoya jalb qilish imkoniyatiga ega bо‘lishidadir.  
Davlat  boshqaruv  shakli  davlat  yoki  mahalliy  mulk  bо‘lgan 
korxonalarda  amalga  oshiriladi.  Davlat  bu  korxonalar  faoliyati  uchun 
tо‘liq javob beradi.