O’zbekiston respublikasi oliy va o’rta maxsus ta‘lim vazirligi d. N. Mamedova, yu. Sh. Jurayeva gaz ta’minoti tizimi (o’quv qo’llanma) Qarshi – 2021 yil

8 – rasm. Linzali kompensator.

1 – linzalar; 2 – kronshteyn; 3 – stakan; 4 – patrubka; 5 – tortiluvchu boltlar; 6 – gaz quvuriga ulanuvchi bo’lak; 7 – flanets; 8 – gayka.

Shundan so’ng zadvijka o’z o’rniga o’rnatilib, qistirmasi flanеtslar orasiga jolashtiriladi va flanеtsning boltlari joyuga o’rnatiladi. Shundan so’ng kompensatorni tortiluvchi boltlari bo’shatilib zadvijkani mahkamlovchi boltlar tortiladi. Kompеsantorlar gaz yo’nalishi bo’yicha zadvijkadan kеyin qo’yiladi. Ishchi holatda kompensator boltlari bo’shatilgan bo’lishi kеrak.

Gaz zadvijkalarida po’lat zadvijkalar qo’llanilganda zadvijkaning diamеtri d> 300 mm bo’lsa, unda kompеnsator o’rniga quvurning qiyshiq, bo’lagi o’rnatiladi. Quvurning qiyshiq bo’lagi zadvijkani montaj va dеmontaj ishlarini osonlashtiradi.

Gaz quvurlarining ko’chada joylashishi.

Shahar gaz quvurlari – murakkab muhandislik inshootlari bo’lib, iste’molchilarni gaz bilan xavfsiz va usluksiz ta’minlashga xizmat qiladi. Gazlashtirish tizimlarini ishonchli ishlashi loyihalash davrida qabul qilingan gaz taqsimlash sxemasining konstruktiv to’g’ri hal qilinganligiga, hamda bajarilgan qurilish – montaj ishlarining sifatiga bog’liqdir. Shaharlarda gaz quvurlari asosan yer osti usuli bo’yicha o’tkaziladi. Yer usti o’tkasish usuli kam qo’llanilib, asosan tabiiy va sun’iy to’siqlarni kesib o’tishida, hamda ayrim iste’molchilar hududida mahalliy sharoitga ko’ra yer osti usulini qo’llash mumkin bo’lmasa, yoki iqtisodiy tarafdan maqsadga muvofiq bo’lmasa, yer usti usuli qo’llaniladi.

Shahar gazlashtirish tizimlari po’lat quvurlardan quriladi. Chunki ularning uzunligi katta, bir-biriga ulab bajariladi va buning natijasida ulangan joylarning zichligi ta’minlanadi. Yer osti gaz quvurlarni korroziyadan saqlash maqsadida ularga korroziyaga qarshi qoplama o’raladi. Sovuq kunlarda gaz tarkibidagi suv bug’lari kondensatsiya bo’ladi.