O’zbekiston respublikasi oliy va o’rta maxsus ta‘lim vazirligi d. N. Mamedova, yu. Sh. Jurayeva gaz ta’minoti tizimi (o’quv qo’llanma) Qarshi – 2021 yil

20 – rasm. PG – 4 komfort gaz plitasi.

1-quritish shkafi; 2- yondirgichning zapalnigi; 3 – duxovka shkafining gaz yo’li; 4 – yondirgich korsatkichi; 5 – taqsimlovchi schit; 6 – plita stoli; 7 – konforkali blok; 8 – schitcha; 9 – vertikal komforka yondirgichi; 10 – duxovka yondirgichi.

Gaz alangasi tekis zangori bo’lib, sariq – qizil tusda bo’lmasligi kerak. Gaz plitalari tabiiy gaz yoki suyultirilgan gazga mo’ljallanishi faqat ularning yondirgichga gaz beruvchi soplo tegishi bilan farq qilinadi.

Tabiiy gaz uchun soplo diametri 1,2 mm, suyultirilgan gaz uchun esa 0,75 mm ga teng. Bunga sabab, suyultirilgan gazning issiqlik berish qobiliyati kattaligidir. Gaz plitalari 9 qavatdan baland bo’lmagan turar joy binolarida o’rnatilishi mumkin. Undan baland bo’lsa, elektr plitalari qo’llaniladi. Bu chegaralanish texnika xavfsizligi bo’yicha qabul qilingan.

Mahalliy gaz- suv isitgichlar.

Gaz- suv isitgichlari asosan mahalliy issiq suv ta’minoti uchun ishlatiladi. Ular ikki turga bo‘linadi.

1. 
   oqib o’tuvchan – suv isitgichlar;
   
2. 
   hajmli suv isitgichlar.
   

1) Suvni tez isitadigan oqib o’tuvchan- suv isitgichlar suvning bosimi 0,05 MPa dan kam bo’lganda ishlamaydi, chunki isitgich ichidagi suv o’tish naychalari yupqa devorli latun’ yoki qora metaldan ishlangan naychalardan iborat bo’lib, (devori qalinligi 1 mm) bir-biri bilan qo’rg’oshin yordamida ulanadi.