O`zbekiston respublikasi oliy va o`rta maxsus ta`lim vazirligi buxoro davlat universiteti magistratura bo’limi

Tadqiqot mavzusi bo’yicha adabiyotlar sharhi. Hazrat Alisher Navoiyning «Tarixi anbiyo va hukamo» va «Tarixi Muluki Ajam» asarlarini adabiyotshunoslik yo`nalishida o`rganish Istiqlol sharofati bilangina boshlandi. Istiqlolga qadar Akademik Vohid Zohidovning atoqli navoiyshunos Abduqodir Hayitmetov, akademik Sodir Erkinov istiqlol yillarida ustoz Rahim Vohidov, Mels Mahmudov istedodli olima Tamilla G`offurjonovaning maskur asarlarida mavzu taqazosiga ko`ra, g`oyatda cheklangan holatda murojaat qilingan, xolos. Chunki hukumron mafkura tazyiqi tufayli bu asarlarni erkin tahlil qilish imkoniyati yo`q edi. Faqat Istiqlol yillaridagina, bu asarlar erkin o`rganila boshlandi. Akademik Aziz Qayumov «Navoiyning kam o`rganilgan ba`zi asarlari to`g`risida» sarlavhasi ostida Ulug` mutafakkirning «Munojot», «Siroj-ul Muslimin» asarlarini o`rganadi. «Afsonalar va hikmatlar», «Ezgu ishlar», «Butun dunyo to`foni», «Yangi avlod», «Rahimli ota (Ibrohim)», «Ishoq», «Abadiy hayot», «Sabr va Sadoqat», «Dovud va uning o`g`li Sulaymon», «Xato va Kechirim», «Hakimlar hikmati», «Ajam hukumronlari tarixidan» sarlavhalri ostida «Tarixi anbiyo va hukamo», «Tarixi Muluki Ajam» asarlarini tahlil qiladi.

«Tarixi anbiyo va hukamo» va «Tarixi Muluki Ajam» asarlari filologiya fanlari doktori, professor Rahimjon Vohidovning «Armonga aylangan adabiy orzular» kitobida mafkuraviy cheklanishlarsiz tahlil qilingan.

Tarixshunoslik yo`nalishida esa bizning dissertatsiya ishimizga asos bo`lgan asarlar juda kam o`rganilgan.