O‘zbekiston respublikasi oliy va o‘rta maxsus ta’lim vazirligi buxoro davlat universiteti maktabgacha va boshlang‘ich ta’lim fakulteti boshlang‘ich ta’lim nazariyasi kafedrasi

2.3. Boshlang‘ich sinf darslarini raqamli ta’lim texnologiyalari asosida tashkil etish samaradorligi

O’quvchilarning o‘quv-bilish faoliyatini yuksaltirish muhitidagi mahsuldor faoliyat natijasi o‘quv jarayoni, bilish jarayoni va o‘quv-bilish faoliyatini baholash jarayonlari asosida hal etiladi. Bunda o‘quv-bilish faoliyati muhitining ma’lum bir bo‘limlari e’tiborga olinib, ularning faoliyatlarini muvofiqlashtirish, tajribalarini ommalashti-rish ishlarini amalga oshirish mumkin bo‘ladi.

Bularning hammasi natijalarni solishtirish orqali amalga oshiriladi. Buning uchun pedagogik tadqiqotlar olib borishda tajriba va nazorat guruhlari tashkil etiladi. Tadqiqotchining ishchi farazi asosida tajriba guruhida ta’lim (tarbiya) beruvchi, ta’lim oluvchilar bilan tadqiqot haqida qisqa suhbatlar o‘tkaziladi va shu asosda tajriba-sinov ishlari dasturida belgilangan vazifalar bo‘yicha boshqa ishlar amalga oshiriladi. Ularning natijalari bo‘yicha samaradorlik aniqlanadi. Samaradorlikni aniqlash quyidagi yo‘nalish-larda olib borilishi mumkin: aynan bir tushunchani o‘rganish bo‘yicha; aynan bir ko‘nikma va malakalarni shakllantirish bo‘yicha; muayyan bir innovatsion metod yoki texnologiyalarni ishlab chiqish bo‘yicha; o‘quvchilar dunyoqarashini yuksaltirish bo‘yicha; axborotli-ta’lim muhitini ishlab chiqish bo‘yicha, raqamli texnologiyalar negizida ta’lim oluvchilar ilmiy dunyoqarashini yuksaltirish bo‘yicha; o‘quvchilarni bunyodkorlik ruhida tarbiyalash bo‘yicha va shu kabilar.
Bu qayd etilgan yo‘nalishlarning barchasi bo‘yicha faoliyat mahsuldorligini baholash talab etilsa, albatta taqqoslash va umumlashtirishlardan foydalaniladi.
Ma’lumki, texnologiya darslarida o‘quvchilar texnik ijod- korlikka, fazoviy tafakkurlarni rivojlantirishga o‘rgati- ladi. Darslarda turli tabiiy va tayyorlangan materiallardan foydalanib faoliyat olib boriladi, ya’ni ularga ishlov berish bilan shug‘ullanishga to‘g‘ri keladi. Bunday jarayonlarda o‘quvchilarda predmetlarning yasalishiga oid materiallar va ularning xossalari hamda xususiyatlarini o‘rganish haqidagi bilim, ko‘nikma va malakalarni shakllantirish texnologiya fanining asosiy vazifalaridan biri hisoblanadi.
Texnologiya fanidan 2-sinflarda “Geometrik shakllardan robot yasash” mavzuini o‘rganishga innovatsion yondashuv.