O‘zbekiston respublikasi oliy va o‘rta maxsus ta‘lim vazirligi abu ali ibn sino nomidagi buxoro davlat tibbiyot instituti

Meningoentsefalit. 
Meningial sindrom sust ifodalangan bo‘ladi. Asosan entsefalit simptomlari aniqlanadi, 
kasallik birdaniga boshlanadi, bemor psixikasi buzilib, uni talvasa tutadi, oyoq-qo‘llari 
falaj yoki yarim falaj bo‘lib qoladi. Meningokokkli entsefalit ko‘pincha o‘lim bilan 
tugaydi. 
Differentsial diagnostikasi.
Meningokokkli meningit to‘satdan boshlanadi, bemorni harorati ko‘tarilib, qusadi va 
Kernig, Bruzdinskiy simptomlari paydo bo‘ladi. Orqa miya suyuqligi tekshirilganda xira 
va yiringli bo‘ladi, pleotsitoz yaqqol ko‘rinadi. Suyuqlik tarkibidagi oqsil modda bir 
qadar ko‘payadi: 0,6-1,5%, Pandi va Nonne - Appelt reaktsiyalari musbat bo‘lib chiqadi. 
Orqa miya suyuqligida meningokokklar topiladi. Konda leykotsitoz - 15.000-30.000 va 
neytrofilyoz aniqlanadi.