Dizayn va uning estetik xususiyatlari
Italyanchada loyiha, rasm ma‘nolarini anglatuvchi ―disegno‖ soʻzi oʻrta
asrlarda inson tabiatida mavjud boʻlgan ijodkorlik xususiyatlarini ham
ifodalagan. Ammo, ―ingliz tilidagi ―design‖ soʻzi birinchi marta 1919 yil
ingliz rassomi Djozef Sinelo tomonidan sanoatda ishlab chiqarilgan narsalar
namunasiga nisbatan qoʻllanilgan. Bunda u aniqroq ifodalash uchun
industrial soʻzini kiritib «industrial design― sanoatga, uning taraqqiy etgan
mashina texnikasi va seriyali ishlab chiqarishga yoʻnaltirilgan yangi badiiy
predmetli ijod sohasini anglatuvchi soʻz birikmasini qoʻllaydi. Vaqt oʻtishi
bilan bu ibora xalqaro ahamiyatga ega boʻlib bordi.‖
Dizayn avval narsa va buyumlar olamini estetik va funksional
sifatlarini shakllantirish maqsadiga qaratilgan loyihalash faoliyati boʻlsa
bugunga kelib inson faoliyatining barcha yoʻnalish va koʻrinishlarini qamrab
olib, nufuzli, keng tarqalgan ijodiy faoliyatga aylandi. Narsa va predmetlar,
atrof-muhitni loyihalar ekan dizayner ayni paytda inson va uning hayot
tarzini ham loyihalaydi.
Dizayn estetikaning ijodiy faoliyat turiga mansub boʻlib, uning maqsadi
sanoat mahsulotlari shakli va sifatini baholash, belgilashdan iborat. Bu
xususiyatlar mahsulotning tashqi belgilarini qamrab oladi, shu bilan
birgalikda mahsulotni xaridor-iste‘molchi nuqtayi nazarida ham, tayyorlab-
etkazib beruvchi nuqtayi nazaidan bir butunlikka olib keluvchi funksional va
strukturaviy aloqadorligini ham oʻz ichiga oladi. Dizayn amaliy san‘at
sohalarini sanoat olamiga ham tadbiq etib, mahsulot shaklini faqat mantiqiy
tuzilish, maqsadga muvofiq emas balki, hissiyotlarga ta‘sir etishini
ta‘minlaydi.
Dizayn jamiyatning ilmiy-texnik va estetik darajasini ham koʻrsatadi.
Bu kundalik amaliyotimizda qoʻllaydigan mehnat qurollaridan tortib, uy
jihozlari-yu, kommunikatsiya vositalari televizor, kompyuterlarda ham
namoyon boʻladi. Insoniyat uchun yaratilgan buyumlar bir-birini toʻldirishi
hamda estetik qimmatga ega boʻlishi lozim. Negaki ular insonning jismoniy-
550
biologik, ruhiy-estetik rivojlanishiga xizmat qilmogʻi kerak. Bu vazifaning
bajarilishi nafaqat dizaynerga, balki iste‘molchiga ham bogʻliq. Iste‘molchi
yoki xaridor oʻz didiga mos narsani tanlaydi, xarid jarayoni tovarga faol
munosabat shakliga aylanadi. Ana shunday munosabatga loyiq boʻlishi uchun
tovarning shakli muhim ahamiyatga ega. Avva‘lo goʻzal va sifatli, qulay
narsalargina xaridor e‘tiborini qozonadi. SHunda tovarning umumezonga
javob beradigan estetik qadriyat sifatida qabul qilinishi roʻy beradi va u
ishlab chiqarishning xaridorga, xaridorning esa ishlab chiqarishga estetik
ta‘sirini ta‘minlaydi.
Utilitar va estetik qonuniyatlarning birligi, chambarchas aloqasi
dizaynning oʻziga xos xususiyatni tashkil etadi. Utilitar xususiyatlar deganda
- foydalilik, funsionallik, qulaylik, texnologik tejamlilik va konstruktiv
xususiyatlarni oʻz ichiga oladi. Estetik prinsiplar esa goʻzallik, nafislik,
badiiylik, obrazlilikni oʻz ichiga oladi. Bugungi kunda texnika estetikasi
mehnat vositalaridan tortib ishlab chiqarish jarayonining moddiy shart-
sharoitlarini ham oʻz ichiga oladi. U ishlab chiqaruvchining ish faoliyati,
mehnat sharoitiga ta‘sir koʻrsatadi, mashina-yu uskunalarni yangilash,
yaxshilashdan tortib, ularning ish joylarida estetik muhitni yaratish, ularning
ijodkorlik qobiliyatlarini yuzaga chiqarishini ta‘minlashni ham oʻz oldiga
qoʻyadi. Demak, inson badiiy-texnik faoliyatning xususiyatlari va
qonuniyatlarini ochib berish texnika estetikasining vazifasidir. Dizayn esa
dunyoqarashga ham tegishli va umumiy estetik nazariya‘ning tarkibiga
kiradi.
Inson hayoti, faoliyati nafaqat tabiiy ehtiyojlarga, balki oʻzi tomonidan
yaratilgan narsalar olamiga ham bogʻliq. Inson oʻzini qurshab turgan
olamning qanday boʻlishini koʻp hollarda oʻzi belgilaydi. Ana shu
jarayonning asosida esa zamonaviy amaliyotning muhim koʻrinishi
hisoblangan narsalar olamini badiiy loyihalash masalasi yotadi.
Fan-texnikaning taraqqiy etib borishi natijasida badiiy loyihalash ham
takomillashib boradi. Dastlabki yaratilgan texnika vositalarini kishilar
goʻzallik olamiga mutlaqo begona boʻlgan hodisa sifatida idrok etishgan edi.
Keyinchalik loyihachilar tomonidan texnikaga nisbatan badiiy yondashuv
natijasida u oʻzining avvalgi dagʻal, qoʻpol, noqulay, insonni choʻchitadigan
koʻrinishini yoʻqotdi. Endilikda texnika oʻzining bejirimligi, qulayligi,
jozibasi bilan «insoniylasha» boshladi. Mazkur holatning rivojlanib borishi
bilan birga texnika loyihasiga nisbatan ikki xil munosabat ham shakllanib
bordi. Birinchidan, loyihaning asosida texnikaning mexanik faoliyati, uning
ishlash jarayoni koʻzda tutilgan boʻlsa, ikkinchidan, uning tashqi koʻrinishiga
e‘tibor qaratildi. Keyinchalik mazkur ikki munosabatning uygʻun faoliyati
natijasida mashinalashgan ishlabchiqarishning «insoniylashgan» yangi
uchinchi olami, zamonaviy ibora bilan aytganda-dizayn yuzaga keldi.
551
Dizayn goʻzallik bilan hamkorlikda taraqqiy etib boradi. Holbuki,
buyumni badiiy loyihalashtirishda uning shakli bilan mazmuni hamohang,
mos boʻlishi kerak. Qisqasi, dizayndagi estetik talab shaxsning moddiy
ehtiyoji bilan birga ma‘naviy ehtiyojini ham qondira olgandagina oʻzida
goʻzallikni namoyon ettiradi. Mustaqillikdan soʻng aholi turmush
darajasining
yuksalayotganligi,
estetik
madaniyatning
takomillashib
boryotganini kuzatish mumkin. Bunda dizayn katta rol oʻynamoqda. Dizayn
moddiy ishlab chiqarish muhitini estetik qayta qurish, uning insonning
manfaatlari va ehtiyojlariga mos keltirishga xizmat qiladi. Dizaynning
zaruriyatga
aylanishi
esa
faqat
zamonaviy
ilmiy-texnikaning
taraqqiyotigagina emas, balki ommaviy ishlab chiqarish va ommaviy
madaniyat darajasining yuksakligiga ham bogʻliqdir.
Dizayn estetikasi boʻyicha koʻplab tadqiqotlar muallifi N.Abdullaeva
dizayn yoki badiiy loyihalash texnika estetikasining tarkibiy qismi ekanligini
uqtiradi. Uning fikriga koʻra, dizayn texnika estetikasining ijtimoiy-falsafiy
mohiyatini, hozirgi davrdagi ahamiyati, san‘at bilan oʻzaro aloqadorligi,
buyumlar olamining estetik muammolarini oʻrganadi. Dizayn ishlab
chiqarishda goʻzallik va foydalilikning uygʻunligini taqozo etadi. Iqtisodiy,
utilitar, texnologik jihatlar bilan birgalikda buyumlarning estetik qimmati
ham muhim ahamiyatga ega. Negaki, u insonda ma‘naviy zavq uygʻotibgina
qolmay, moddiy ishlab chiqarish jarayoniga samarali ta‘sir koʻrsatish
xususiyatiga ega.
Dizaynning estetik mohiyati uning san‘at bilan aloqadorligida ham
namoyon boʻladi. Bizga ma‘lumki dizaynning san‘at bilan hamkorligi oʻziga
xos boʻlib, bu xususida tadqiqotchilarning fikrlari turlichadir. ―Dizayn-
abstrakt san‘at‖ (Genrbert Rid), ―Dizayn san‘at emas‖ (Gloag, eshford),
―iste‘mol predmeti badiiy asar funksiyasini bajarishi mumkin emas, u san‘at
taqdiri bilan mos kela olmaydi‖
(T.Maldonado), ―dizaynnning maqsadi goʻzal shakl va narsalar dunyosini
yaratishdan iborat boʻlib, ular sivilizatsiyamizning chinakam harakterini
ochib berishi lozim‖ (D.Ponti) deb ta‘kidlashgan.
Darhaqiqat, dizayn sohasini aniqlash juda murakkab, ayrim vaqtda ular
san‘at bilan oʻzaro qorishib ketadi. Har ikkalasi ham ijodiy faoliyat ekanligi,
inson ma‘naviy va moddiy ehtiyojlarini qondirishga xizmat qilishi, estetik
qonuniyatlar asosida vujudga kelishi ularning chambarchas aloqadorligini
koʻrsatadi. San‘atning kelib chiqishi haqida turlicha fikrlar mavjud boʻlib
ularning asosida ikki xil mazmun yotadi. Biri - oʻyin natijasida, ikkinchisi -
esa mehnat. San‘at oʻyindan kelib chiqqan, chunki unda majburiylik yoʻq,
san‘at ava‘lo inson ma‘naviy ehtiyoji natijasi, degan fikr asos sifatida olinadi.
Dizayn san‘atni istisno qilmasa-da bizning nazarimizda mehnat natijasida
vujudga keladi. Chunki hunarmand koʻzga yasa‘ydi, unga ishlov beradi,
bezaydi bu uning mehnatining tarkibiy qismi hamdir. U majburiyat bilan
552
bogʻliq, maqsadga yoʻnaltirilgan ijtimoiy hodisa va mehnatdan manfaatdorlik
mavjud. Yuqorida ta‘kidlanganidek xalq amaliy san‘ati haqida gap ketganda
bu yanada yaqqolroq namoyon boʻladi.
Do'stlaringiz bilan baham: |