O'zbekiston respublikasi oliy va orta mahsus ta’lim vazirligi

Diqqat! Muhit to‘kilib ketmasligi yoki probirka qopqog‘ini namlamasligi lozim.
Qiyshiq agarga ekish. Cho‘g‘lantirilgan bakteriologik qovuzloq yordamida olingan material qiyshiq agarning kondensatsion suyuqligiga aralashtiriladi va oziqa
420



muhit yuzasiga shtrixsimon holda yuqoriga qarab ekiladi. Tik agarga tekshirish materiali bakteriologik qovuzloq yordamida (ukol) sanchib ekiladi. So‘ng alangadan o‘tkazilib yopiladi va bakteriologik qovuzloq cho‘g‘lantiriladi.
Suyuq materialni steril pipetka yordamida ekish mumkin. Ekib bo‘lgach, pipetkani dezinfeksiyalovchi moddaga solib qo‘yiladi.
Probirkadagi muhitga Petri kosachasidagi kulturadan olib ekish
Petri kosachasidagi o‘sgan kultura kosachasining orqa tomonidan qalamcha yordamida belgilanib olinadi va o‘rganiladi, so‘ngra kosachaning qopqog‘i yuqoriga qilinib oldinga qo‘yiladi. Bakteriologik qovuzloq avval tik, keyin gorizontal holda cho‘g‘lantirilib, mikrob kulturasini o‘smagan yerga tekkizilib sovitiladi, so‘ng bakteriologik qovuzloq yordamida belgilangan shubhali koloniyaning yarmi olinadi va kosachaning qopqog‘i yopilib, so‘ng chap muhitli probirkaga yuqorida aytilgandek ekiladi. Petri kosachasi to‘nkarib qo‘yiladi, qovuzloq cho‘g‘lantiriladi.
Petri kosachasidan agarga ekish. Shpatel bilan ekish
Shpatel bir uchi uchburchak shishali yoki metall naycha. Chap qo‘lning bosh va ko‘rsatkich barmog‘i yordamida Petri kosachasining qopqog‘i ochiladi. Tekshirish materiali olingan shpatel kosacha ichiga kiritiladi va shpatelda tekshirish materiali qolmaguncha aylanma harakat qilib ekiladi. So‘ng shpatel kosacha ichidan chiqariladi va kosacha qopqog‘i bekitiladi. Shisha. shpatel dezinfeksiyalovchi moddaga solinadi, metall shpatel esa spirt lampasi alangasida cho‘g‘lantiriladi.