O‘zbеkistоn rеspublikasi оliy va o‘rta maхsus ta’lim vazirligi urganch davlat univеrsitеti

Agrosanoat majmuasi (ASM) – bu iqtisodiyotning qishloq xo‘jaligini zarur ishlab chiqarish vositalari bilan ta'minlash, qishloq xo‘jaligi mahsulotlarini ishlab chiqarish, ularni saqlash, qayta ishlash, iste'molchiga yetkazish bilan shug‘ullanuvchi tarmoqlar majmuidir.
FAO-qishloq xo‘jaligi, baliqchilik va o‘rmon xo‘jaligini rivojlantirish, texnik ko‘mak va oziq-ovqat mahsulotlari bilan yordam ko‘rsatish, jahon qishloq xo‘jaligini rivojlantirish masalalari bo‘yicha statistik ma'lumot va bashoratlar tayyorlash maqsadi bo‘lgan BMTning maxsus muassasasi, xalqaro tashkilot.
Oziq-ovqat xavfsizligi va optimal eksport uchun yetarli oziq-ovqat resurslari balansi-ularning shakllanishi va xarajati yo‘nalishi bo‘yicha me'yorlari-oziq-ovqat maqsadlarida ichki ishlab chiqarishning – 80-85%, importning – 15-20%, eksportning – 15-20% bo‘lishidir.
Oziq-ovqat xavfsizligi darajasi yetarli - agar zaxirada yillik don iste'molining 17% dan kam bo‘lmagan miqdori bo‘lsa.
Oziq-ovqat xavfsizligi-jahon bozorlari kon'yunkturasidan qat'iy nazar aholini ilmiy asoslangan parametrlar (taklif)da oziq-ovqat mahsulotlari bilan barqaror ta'minlash kafolatlangan va tibbiy me'yorlar darajasida iste'molni saqlab turish uchun sharoitlar yaratilgan iqtisodiyotning holati.
Oziq-ovqat xavfsizligi muammosiga tamoyilli munosabatiga ko‘ra jahon mamlakatlari turlari - importga yo‘naltirilgan, mahsulot eksport qiluvchi, o‘zining ishlab chiqarishi bilan ichki bozorni oziq-ovqat mahsulotlari bilan ta'minlovchi.
Oziq-ovqat xavfsizligiga tahdid - bu oziq-ovqat bozorida iste'molchilar uchun noqulay vaziyat o‘zgarishlariga olib keladigan shart-sharoit va omillar majmui.
Oziq-ovqat xavfsizligiga erishishning asosiy maqsadi - ichki va tashqi salbiy ta'sirga bog‘liq bo‘lmagan holda qayta ishlovchi korxonalarni xomashyo, aholini- oziq-ovqat mahsulotlari bilan ta'minlash.
Oziq-ovqat xavfsizligiga erishishning muhim shartlari-har bir inson uchun oziq-ovqat mahsulotlarining yetarli bo‘lishi, barcha aholi toifalari, tomonidan oziq-ovqat mahsulotlarini sotib olishning iqtisodiy jihatdan imkoniyati, me'yorda ovqatlanish uchun yuqori sifatli mahsulotlarni iste'mol qilishning yetarli miqdorda bo‘lishi.