O‘zbеkistоn rеspublikasi оliy va o‘rta maхsus ta’lim vazirligi urganch davlat univеrsitеti

Tuxumlarni joylashtirish, tamg‘alash va saqlash. Tuxumlarni toza yog‘och yashiklarga va karton qutilarga ko‘pincha 360 va 720 tadan qilib joylandi.
Tovuq tuxumi saqlash muddati, sifati va massasiga qarab parhez va oshxona tuxumlariga bo‘linadi. Parhez tuxumlar deb massasi 44 g dan kam bo‘lmagan, tovuq tuxum qilgan kunni hisoblamaganda 7 sutkadan kechiktirilmasdan sotishga chiqarilgan, sovuqxonalarda yoki ohak eritmasida saqlanmagan tuxumlarga aytiladi. Oshxona tuxumlarining massasi 43 g dan kam bo‘lmasligi kerak. Saqlanish sharoitlari va muddatiga qarab oshxona tuxumlari yangi, sovuqxonalarda saqlangan va ohaklangan tuxumlarga bo‘linadi. Yangi qo‘yilgan tuxumlar deb –1⁰C dan-2⁰C gacha bo‘lgan haroratda 30 kungacha saqlangan tuxumlarga aytiladi. Sovuqxonalarda saqlangan tuxum deb esa yuqorida ko‘rsatilgan haroratda 30 kundan ortiq muddat saqlangan tuxumlarga aytiladi.
Parhez va oshxonabop yangi tuxumlarni karton qutichalarga 10 donadan qilib joylashtiriladi. Po‘stlog‘i iflos tuxumlar kategoriyasi bo‘yicha saralanib, alohida joylanadi. Bunday tuxumlar qayta ishlashga yoki umumiy ovqatlanish korxonalariga jo‘natiladi.
Mayda tuxumlar (massasi 43 g dan kam) ham alohida joylanadi va sotuvga chiqarilmasdan qayta ishlashga jo‘natiladi.
Har qaysi idishga yorliq qo‘yiladi. Bu yorliqda xo‘jalik nomi, saralovchining nomeri, saralash kuni, tuxumning turi va kategoriyasi standart nomeri va boshqalar ko‘rsatiladi.
Tuxumlarni tamg‘alash quyidagicha bajariladi: D1–parhez I kategoriya; D11 – parhez II kategoriya; S1–oshxonabop I kategoriya; S11– oshxonabop II kateoriya; X – sovuqxonlarda turgan; I –ohak eritmasida turgan. Mayda tuxumlar alohida yashiklarga joylashtrlib «mayda» deb ko‘rsatib qo‘yiladi.
Tuxumlarni 4-6⁰C va havoning nisbiy namligi 65-70 % bo‘lgan shroitda saqlash maqsada muvofiqdir.
Texnik nuqsonga ega bo‘lgan tuxumlarni ovqatga ishlatishga ruxsat etilmaydi.
Muzlatilgan tuxum melanjini olish uchun tuxum saralanadi, dezinfeksiya qilinadi, sindiriladi, oqi va sarig‘i aralashtiriladi, suzgichdan o‘tkaziladi, 62-65⁰C da pasterizatsiya qilinadi va sovutiladi. So‘ngra tayyor massa oq tunuka bankalarga joylanib –18÷ -20⁰C da banka ichidagi harorat –6⁰C bo‘lguncha muzlatiladi.
Muzlatilgan tuxum mahsulotlari –12⁰C va havoning nisbiy namligi 80-85% bo‘lgan sharoitda 8 oygacha, -18⁰C da esa 15 oygacha saqlanishi mumkin. Tuxum talqonining kafolatlangan saqlash muddati 10⁰C dan –2⁰C gacha va havoning nisbiy namligi 65-70% bo‘lgan sharoitida germetik bo‘lmagan idishlarda 8 oygacha, germetik idishlarda esa 12 oygacha qilib belgilangan.