O‘zbеkistоn rеspublikasi оliy va o‘rta maхsus ta’lim vazirligi urganch davlat univеrsitеti

С₆Н₁₂О₆40%СН₃СНОНСООН + 20% СООНСН₂СН₂СООН +
^{sut kislota qahrabo kislota}
+10% СН₃СООН + 10% СН₃СН₂ОН + 20% (СО₂+Н₂)+Х kkal
^{sirka kislota etil spirt}
Demak, yuqorida aytilganidek, sut-kislotali bijg‘ish jarayoni gomofermentativ (tipik) va geterofermentativ (tipik bo‘lmagan)larga ajraladi. Gomofermentativ (tipik) bijg‘ish jarayonida faqat sut kislota hosil bo‘lsa, geterofermentativ bijg‘ishda sut kislotadan tashqari sirka kislota, karbonat angidrid va etil spirti hosil bo‘ladi.
Ba'zi vaqtlarda sut-kislotali bijg‘ish jarayonida hosil bo‘ladigan mahsulotlar, bakteriya va achitqilarning ishtirokida hosil bo‘ladi. Bunday mahsulotlar tarkibida sut kislotadan tashqari spirt ham hosil bo‘ladi, bunday mahsulotlarga qimiz va kefir misol bo‘ladi.
Kefir olish uchun tomizg‘i sifatida kefir «donalari» qo'shiladi, bular tarkibida bakteriyalardan tashqari achitqilar ham bo'ladi. 1866-yilda shifokor Djogi kefir «donachalari» tarkibida Bakterium cavcazicum, Streptococcus lactis va achitqi zamburug'lari borligini birinchi bo‘lib aniqlagan.
Sut kislotali bijg’ish jarayoni kefir, qimiz tayyorlashda, qatiq ivitishda, sabzavotlarni tuzlashda va silos bostirishda keng qo’llaniladi.
Qimiz va kefir tayyorlashda sut kislotali bijg’ishni qo’zg’atuvchi bakteriyalardan tashqari, achitqi zamburug’lari ham qo’shiladi. Shu sababli mahsulot tarkibida sut kislotadan tash­qari, etil spirt ham to’planadi.
Qimiz tarkibida 2% spirt bo‘ladi. Qimiz tayyorlash uchun biya suti alohida tomizg‘i («kоr», «qatiq») bilan achitiladi. Tomizg‘ida sut kislota hosil qiluvchi bakteriyalar va achitqi zamburug‘lari bo‘ladi. Boshqa ichimliklar — kuranga, masun kabi ichimliklar ham sutdan shunday yo‘l bilan tayyorlanadi (karam va bodring tuzlashda osh tuzidan qo‘shiladi).