O‘zbekiston respublikasi oliy va oliy va o‘rta maxsus ta’lim vazirligi toshkent davlat pedagogika universiteti huzuridagi pedagogik kadrlarni qayta tayyorlash va ularning malakasini oshirish tarmoq markazi

Keys ob’ekti: amaliy muammoli vaziyat.
Keysning axborot manbalari:

• 
  Dars rejasini tuzish uchun ko`rsatmalar
  
• 
  Darslikdagi material
  
• 
  Taqdimot yaratishga materiallar
  
• 
  Dars bosqichlari
  

Texnologik xususiyatlardan kelib chiqqan holda keysning tavsifnomasi:
Ushbu keysning asosiy manbai kabinetli, lavhali kategoriyaga mansub. Keysning asosiy ob’ekti shaxsga yo‘naltirilgandir. Hajmi o‘rtacha, tizimlashtirilgan topshiriqli keys.
Didaktik maqsadlarga ko‘ra o‘quv mavzusi bo‘yicha malaka va ko‘nikmalarni shakllantirishga mo‘ljallangan.
Keysdan “Boshlang`ich ta’lim va sport-tarbiyaviy ish” ta’lim yo`nalishi “Matematika o‘qitish metodikasi” fanida qo‘llanish mumkin.


Rejalashtiriladigan o‘quv natijalari:
- o‘quv-uslubiy materiallarni tahlil etish qobliyatini rivojlantirish;
- taqdim etilgan materiallardan dars ishlanma va taqdimotlar tayyorlash ko`nikmalarini orttirish;
- mustaqil tarzda dars ishlanma va taqdimotlar tayyorlash malakalarini egallash.
Keys
«Matematika fanidan dars ishlanmalarini tuzish va taqdimot yaratish»
Kirish
Keysning dolzarbligi: “Ta’lim –tarbiya tizimini tubdan islox qilish, uni zamon talablari darajasiga ko‘tarish, miliy kadrlar tayyorlashning yangi tizimini barpo etish, kelajak uchun barkamol, saloxiyatli avlodni tarbiyalash davlat siyosatinig ustivor yo‘nalishi deb hisoblansin” deyiladi “Ta’lim to‘g‘risidagi” Qonunda. Barcha sohalarda olib borilayotgan isloxatlar samarasi yangicha fikrlaydigan, zamonaviy bilimlarga ega bo‘lgan yuksak malakali kadrlarga bog‘liq. Kadrlarni tayyorlash esa avvalo boshlang‘ich sinf o‘qituvchisi - murabbilar zimmasiga yuklatilgan. Shu sababli, chuqur bilimga ega bo‘lgan, zamonaviy boshlang‘ich sinf o‘qituvchisi – kadrlar taraqqiyotimizning muhim omili sifatida e’tirof etilmoqda. “Boshlang‘ich sinf o‘qituvchilarimiz bugungi zamon talablariga mos bilimlar sohibi, yangilangan ta’lim mazmunini egallagan bo‘lishi kerak.
Yuqorida qayd etilgan fikrlardan kelib chiqib, bugungi kun “Boshlang‘ich ta’lim va sport- tarbiyaviy ish” ta’lim yo‘nalishi talabalariga nisbatan qo‘yiladigan talablar mazmuni anglaniladi.
Bo‘lajak boshlang‘ich sinf o‘qituvchilari pedagogik, psixologik va mutaxassislik yo‘nalishlari bo‘yicha maxsus ma’lumot, kasbiy tayyorgarlik, yuksak axloqiy fazilatlarga ega bo‘lishi va ta’lim muassasalarida faoliyat ko‘rsatuvchi shaxslarni shakllantirishni maqsad qilib qo‘ygan.
Bu muammolar yechimi Oliy ta’lim muassasalarida olingan bilimlarini amaliyotga samarali qo‘llay biladigan, o‘zgarib borayotgan bozor iqtisodiyotiga tez ko‘nikib va shu sharoitda tez va to‘g‘ri mustaqil yechim qabul qiladigan mutaxassislarni tayyorlash bilan chambarchas bog‘liq. Shuning uchun Oliy ta’lim muassasalarida yangi ta’lim konsepsiyalari va texnologiyalarini ishlab chiqish va amalga oshirish muxim ahamiyat kasb etadi.
Matematika fanidan dars ishlanmalarini to‘g‘ri va samarali ishlab chiqish uchun matematika fanidan dars ishlanmalarini analiz qilish va baholash zarur.
Shuning uchun ham talabalarimiz dars ishlanmasini tuzish va texnologik model hamda texnologik xarita tuzishni va taqdimot yaratishni ko`nikmasiga ega bo`lishi kerak.
Ushbu keysning o‘rgatuvchi maqsadlari:

• 
  berilgan mavzu bo‘yicha bilimlarini chuqurlashtirish va kengaytirish.
  
• 
  darslarda matematika fanidan dars ishlanmalarini tuzish va taqdimot yaratishni ko‘nikmalarini shakllantirish.
  

Ushbu keysni to‘g‘ri yechish quyidagi o‘quv natijalariga erishishga yordam bo‘ladi.

• 
  matematika fanidan dars ishlanmalarini tuzish va taqdimot yaratish ko‘nikma va malakalarini rivojlantirish.
  
• 
  matematika fanidan texnologik model, texnologik xaritalarini ishlab chiqish malakasini oshirish.
  
• 
  xulosa va tavsiyalarni mustaqil aniq ifoda qilish.
  

Akademik guruh 5 ta kichik guruhga bo`linadi va har bittasiga alohida keys topshiriqlar beriladi. Har bir keys topshiriq qog`oz va elektron variantda talabalarga taqdim etiladi. Elektron variantida papkaga uslubiy ko`rsatmalar, dars rejasini tuzish uchun ko`rsatmalar, darslikdagi topshiriqlar mazmuni, taqdimotga rasm va materiallar, dam olish daqiqasi uchun musiqalar jamlab beriladi. Quyida bitta guruhga berilgan keys topshiriqlarining namunasini keltiramiz.

Keys 1.