O‘zbеkiston rеspublikasi oliy

Elektr yuritmaning noturg‘un harakati - elektr motor hosil qiladigan elektr- magnit moment bilan ijrochi organ yuklanish momentining o‘zaro teng bo‘lmasligi elektr yuritma harakatining noturg‘un bo‘lishiga olib keladi. Agar elektr motor hosil qiladigan elektrmagnit momentning ishchi mexanizm ijrochi organi yuklanish momentidan katta bo‘lishi elektr yuritma harakatining tezlanishli xarakterli bo‘lishini, aks holda, yuklanish momentining motor elektrmagnit momentidan katta bo‘lishi elektr yuritma harakatining so‘nuvchanlik xarakterda bo‘lishini bildiradi.
Elektr yuritmaning koordinatalarini rostlanishi - elektr yuritma bajarayotgan vazifadan kelib chiqib, ishchi mashina ijrochi organi harakatini boshqarishda elektr yuritmaning tezligi yoki tezlanishi, momenti, toki va ijrochi organning fazodagi o‘rni kabi koordinatalarining qiymatlari texnologik jarayon talabidan kelib chiqqan holda keng oraliqda rostlanishi mumkin.
Tezlikni rostlash diapazoni - elektr motor hosil qiladigan eng katta tezligi qiymatining hosil qilinadigan tezligining eng kichik qiymatiga bo‘lgan nisbati elektr yuritma tezligini rostlash diapazoni deyiladi.
Tezlikning turg‘un bo‘lish ko‘rsatkichi - tezlikning turg‘un bo‘lish ko‘rsatkichi, elektr motor validagi yuklanish momenti qiymatining ma’lum o‘zgarishlarida motor tezligining o‘zgarishini bildiradi va bu mexanik tavsifning bikirligi bilan bog‘liq. Bikirlik qancha katta qiymatga ega bo‘lsa, shuncha tezlikning yuklanish momentiga bog‘liqligi kam bo‘ladi va aksincha.
Tezlikning silliq rostlanishi ko‘rsatkichi - bu ko‘rsatkich elektr motor sun’iy mexanik tavsiflaridagi bir sun’iy tavsifdan ikkinchi sun’iy tavsifga o‘tishdagi tezlikning o‘zgarishini bildiradi. Berilgan tezlikni rostlash diapazonida sun’iy tavsiflarning soni qancha ko‘p bo‘lsa, tezlikning rostlanishi shuncha silliq kechadi. Masalan, mustaqil qo‘zg‘aluvchan o‘zgarmas tok motori yakori zanjiriga beriladigan kuchlanishni bir qiymatidan ikkinchisiga uzluksiz holda o‘zgartirish, tezlikning sakrab o‘zgarmasdan silliq o‘zgarishiga olib keladi. Asinxron motor qutblar juftligi sonini o‘zgartirish tezlikning silliq emas, balki sakrab o‘zgarishiga olib keladi va tezlikni rostlash silliq kechmaydi.