O‘zbekiston respublikasi oliy ta’lim va innovatsiya vazirligi mirzo ulugʻbek nomidagi

Tadqiqotning maqsadi mustaqillik yillarida O‘zbekistonda ijro hokimiyatining shakllanishi va rivojlanishi masalalarini ochib berishdan iborat.
Tadqiqotning vazifalari:
Ijro hokimiyati tushunchasi va uning institutsiyaviy elementlarini tahlil qilish;
Mustaqillik yillarida O’zbekistonda ijro hokimiyatining shakllanshi jarayonini tarixiy-siyosiy jihatdan ochib berish;
Ma’muriy islohotlar: ijro hokimiyati organlari faoliyatini tashkil etishning zamonaviy modeli asosiy bosqichlari va o‘ziga xos xususiyatlarini aniqlash;
Davlat hokimiyati tizimini isloh etishning demokratik xususiyatlari va milliy jihatlarining tarixiy, siyosiy-huquqiy asoslarini yoritish;
Ijro hokimiyati organlari faoliyatida “Elektron hukumat” tizimini yanada rivojlantirish istiqbollarini baholash;
O‘zbekistonda ijro hokimiyati tizimini modernizatsiyalash: tub burilish va istiqbol yo‘nalishlarini yoritish.
Tadqiqotning obyektini O‘zbekistondagi ijro hokimiyati tizimi tashkil etadi.
Tadqiqotning predmetini O‘zbekistonda ijro hokimiyatining shakllanishi va rivojlanishi jarayonlari, uning o‘ziga xos xususiyatlari tashkil etadi.
Tadqiqotning usullari. Tadqiqotda tarixiylik, mantiqiylik, analiz va sintez, qiyosiy tahlil, modellashtirish, prognozlash kabi usullar hamda tizimli, funksional yondashuvlardan foydalanildi.
Tadqiqotning ilmiy yangiligi quyidagilardan iborat:
O‘zbekistonda ilk mustaqillik yillarida ijro hokimiyati tizimi shakllanishining o‘ziga xos xususiyatlari ochib berilgan;
Ijro hokimiyati tizimini isloh etishning demokratik xususiyatlari va bu borada milliy jihatlar ahamiyati ilmiy asoslangan;
O‘zbekistonda ijro hokimiyati organlari faoliyatida “Elektron hukumat” tizimini yanada rivojlantirish jarayonlari va ushbu yo‘nalishdagi asosiy tendensiyalar ko‘rsatib berilgan;
Yangi O‘zbekistonda ijro hokimiyatini modernizatsiyalashning siyosiy-huquqiy mezonlari tarixiy nuqtai nazardan tahlil qilib berilgan.