O‘zbekiston respublikasi oliy ta’lim va innovatsiya vazirligi mirzo ulugʻbek nomidagi

XULOSA………………………………………………………………….……...88
FOYDALANILGAN ADABIYOTLAR RO’YXATI……………………….…91

KIRISH


Dissertatsiya mavzusining dobligi va zarurati. Dunyoning bir qator rivojlangan mamlakatlarida davlat boshqaruvi tizimiga samarali ma’muriy mexanizmlarni, innovatsion siyosatni faol qo‘llash amaliyoti tobora kuchayib bormoqda. Amalda qilinayotgan islohotlarning asosiy yo‘nalishi sifatida markaziy ijro hokimiyatining boshqaruv tuzilmalari va ma’muriy organlarining vazifalarini o‘zgartirish, taqsimlash va tartibga solish borasidagi vakolatlarini bozor tamoyillariga muvofiqlashtirish, xo‘jalik tuzilmalari faoliyatiga bevosita aralashuvini keskin kamaytirishga katta e’tibor qaratilmoqda. Bajarilayotgan islohotlarda ijro hokimiyatining barcha bo‘g‘inlari faoliyati samaradorligini oshirishda jamoatchilik fikrini o‘rganish tizimini takomillashtirish, huquqiy tartibga solish, vazifa va mas’uliyat mazmunining mos kelishi, o‘zini o‘zi takomillashtirish choralarini rivojlantirish masalalari dolzarblashib bormoqda.
O‘zbekiston Respublikasida davlat boshqaruvining yangi milliy tizimini yaratishda ijro hokimiyati organlari faoliyatini nomarkazlashtirish, ma’muriy islohotlar asosida javobgarlik, hisobdorlik, mas’uliyat orqali xalq manfaatlarining ustuvorligini ta’minlash muhim vazifalar etib belgilandi. “Joylarda ijro va vakillik organlarining davlat boshqaruvidagi roli va mas’uliyatini yanada oshirish zarur. Hokimlar oxirgi uch yilda ularga berilgan keng vakolatlardan qanchalik samarali foydalanayotganini, vazirlik va idoralarning hududiy tuzilmalari faoliyati natijadorligini nazorat qilish bo‘yicha yangi tizim yaratish shart”¹. Bu borada aholiga ko‘rsatilayotgan davlat xizmatlarining sifat darajasini oshirish, boshqaruv jarayonlarini zamonaviy rivojlantirish, uning har bir bo‘g‘inida funksiya va vakolatlarni manzilli, aniq tashkiliy-huquqiy asoslarini ishlab chiqish mazkur masalaning zarur ekanini ifodalaydi”.
_{“O‘zbekiston Respublikasi Prezidentining 2017 yil 7 fevraldagi PF-4947-son “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”, 2017 yil 8 sentabrdagi PF-5185-son “O‘zbekiston Respublikasida Ma’muriy islohotlar konsepsiyasini tasdiqlash to‘g‘risida”, 2022 yil 28 yanvardagi PF-60-sonli “2022 – 2026 yillarga mo‘ljallangan Yangi O‘zbekistonning Taraqqiyot strategiyasi to‘g‘risida”, 2018 yil 21 sentabrdagi PF-5544-son “2019-2021 yillarda O‘zbekiston Respublikasini Innovatsion rivojlantirish strategiyasini tasdiqlash to‘g‘risida”gi farmonlari, 2019 yil 9 dekabrdagi PQ-4546-son “Byurokratik to‘siqlarni yanada qisqartirish hamda davlat organlari va tashkilotlari faoliyatiga zamonaviy boshqaruv tamoyillarini joriy qilish chora-tadbirlari to‘g‘risida”gi qarori hamda sohaga oid boshqa normativ-huquqiy hujjatlarda belgilangan” vazifalarni bajarishda mazkur magistrlik dissertatsiyasi ishi muayyan darajada xizmat qiladi.}