O‘zbekiston respublikasi oliy ta’lim, fan va innovatsiyalar vazirligi farg‘ona politexnika instituti «Menejment»

Marketingni rejalashtirish - bu bir necha variantdagi muqobil rejalar ichidagi eng yaxshisini tanlab olish jarayonideb hisoblash mumkin. Kichik shakldagi xo‘jaliklarni marketing rejalashtirilishiga quyidagilar kiradi:

• 
  firma xo‘jaligi ichidagi bo‘linmalarining faoliyat harakatlarini muvofiqlashtirish;
  
• 
  tashqi muhitning kutiladigan taraqqiyoti omillarini va uni o‘zgaruvchilik darajasini aniqlash;
  
• 
  firma xodimlarini kutilmagan holda paydo bo‘lganda befoyda harakatlarini kamaytirish;
  
• 
  bajaruvchilar oralig‘idagi samarali munosabatlarni ta’minlash.
  

Marketingning yetrategik rejasi korxonaning xom-ashyo, mehnat, moliya va boshqa resurslarni samarali ishlatilishiga mo‘ljal qilib yo‘naltirilgan. Firmaning maqsadlarini va imkoniyatlarini navbatdagi 3-5 yil ichida o‘zaro bog‘lanishi uchun marketing sohasida strategik marketing dasturi kelajagi ishlab chiqiladi. Ushbu dastur bozor konьyunkturasining o‘zgarishlari asosida tartibga solib turiladi.
Marketingni amaldagi rejasi yaqin maqsadlarining hozirgi holati marketing vaziyatini tavsiflash, imkoniyatlar tahlilini, raqobatchilarni kuchli va zaif tomonlarini, moliyalar harakatini rejalashtirilgan daromadlar va harajatlar muvozanatini, tashkiliy-boshqaruv harakatlarini nazorat qilishni yo‘lga solinishini va ularni amalga oshirilishini o‘z ichiga oladi.
Marketing boshqarilishi — bu marketing majmuasining elementlariga ta’sir ko‘rsatish jarayoni bo‘lib haridorlar bilan belgilangan maqsadli almashuvini shaxsiy yoki ikki tomonlama foyda olish uchun qo‘llanadi.
Marketing faoliyatida samarali natijalarga erishish (tovar)ni mahsulot o‘zining narxi, bozorda joylashtirish va harakatlantirish choralari bilan bog‘liq.
Marketing boshqaruvining tashkiliy tarkibi idoralarning yaxlit tizimi bo‘lib, ishchi-xizmatchilarni samarali ishlashini xo‘jalik yurituvchi sub’ektni oldiga qo‘ygan maqsadga erishishini ta’minlaydi. U quyidagi turlardan tashkil topgan bo‘lishi mumkin: funktsional, tovar funktsional va bozor-funktsional.