O‘zbekiston respublikasi oliy ta’lim, fan va innovatsiyalar vazirligi farg‘ona politexnika instituti «Menejment»

1-Mavzu: “BIZNES JARAYONLARINI LOYIHALASH” FANINING DOLZARBLIGI,
MAQSADI VA VAZIFALARI. BIZNES JARAYONLARINI
LOYIHALASHNING IJTIMOIY, IQTISODIY VA XUQUQIY ASOSLARI


Mashg‘ulot turi: Amaliy
Mashg‘ulot maqsadi: “Biznes jarayonlarini loyihalash” fani xaqida tushunchaga ega bo‘lish, fanning mohiyati va vazifalari, uning predmeti va metodi, fannning boshqa fan soxalari bilan aloqadorligi kabi tushunchalarni o‘rgatishdan iborat.
Mavzuni o‘rganishga doir nazariy ma’lumotlar

1. 
   “Biznes jarayonlarini loyihalash” fanining dolzarbligi, maqsadi va vazifalari.
   
2. 
   Biznes va biznes jarayon tushunchasi.
   
3. 
   Biznes g‘oyaning yaratilishi.
   
4. 
   Biznes g‘oyani amalga oshirish bosqichlari.
   
5. 
   Biznes jarayonlarini loyihalashning ijtimoiy, iqtisodiy, xuquqiy asoslari.
   

“Biznes jarayonlarini loyihalash” fanining dolzarbligi – bugungi kunda mamlakatning iqtisodiy o‘sishida tadbirkorlikning o‘rni, tadbirkorlikni rivojlantirish bilan qator ijtimoiy va iqtisodiy muammolarni bartaraf qilish, aholi daromadlarini oshirish va ishsizlikni kamaytirish, mahsulotlar va xizmatlar eksportini oshirish va milliy valyuta qadrini ko‘tarish omillari bilan bevosita bog‘liqdir. Ijtimoiy, iqtisodiy islohotlarni amalga oshirishda, yangi korxonalar tashkil qilinishida zamonaviy texnologiyalarni tanlash va amalga tadbiq etilishi, faoliyat yuritayotgan korxonalarda mahsulot sifatini oshirish va modernizatsiya qilish jarayonlari zamonaviy bilim va ko‘nikmalarga ega bo‘lgan mutaxassislar tomonidan amalga oshiriladi. “Biznes jarayonlarini loyihalash” fani talabalarda biznes va uning turlari, jarayonlarini loyihalash va boshqarish, samaradorligini baholash kabi tushunchalarni shakllantirish uchun xizmat qiladi.
Fanning maqsadi – zamonaviy biznes yo‘nalishlarini taxlil qilish, o‘rganish, uning rivojini ta’minlash yo‘llarini ko‘rsatish va unga taaluqli bo‘lgan nazariy bilimlar bilan, biznes soxasida qo‘lgan kiritilgan tajriba va yutuqlar bilan tanishtirish va ularni o‘rganish hisoblanadi.