O‘zbekiston respublikasi navoiy kon-metallurgiya kombinati navoiy davlat konchilik instituti

7.«Bo‘linma» deb ko‘rsatilgan qatorga elektr uskunada ish olib borish lozim bo‘lgan korxonaning bo‘limi (sex, xizmat, tuman, uchastka) ko‘rsatiladi.
8. Ish rahbari tayinlanmay bajariladigan ishlarda «Ish rahbari» degan qatorga «Tayinlanmaydi» deb yozib qo‘yiladi.
9.«Ijozat etuvchi» degan qatorda tezkor-ta’mirlash xodimlaridan yoki ishboshchi tarafidan ijozat etuvchi huquqini o‘rindoshlik yo‘li bilan bajarishga ta’mirlash xodimlaridan tayinlangan shaxsning familiyasi ko‘rsatiladi.
Elektr uskunalarida ijozat etuvchi vazifasini navbatchi bajaradigan bo‘lsa, «Ijozat etuvchi» degan qatorga familiyasini ko‘rsatmasdan «Navbatchi» deb yozib qo‘yish zarur.
10.«Brigada a’zolari» degan qatorlarda brigada a’zolarining hammasi qayd qilinishi zarur.
Agar ish avtomobillar, mexanizmlar, o‘zi yurar kranlarni qo‘llab bajariladigan bo‘lsa, unda brigada a’zolaridan kim haydovchi, kranchi, yuk iluvchi ekani ko‘rsatilishi, hamda ishlatilayotgan mexanizmning yoki o‘zi yurar kranning turi ko‘rsatilishi zarur (masalan, Akbarov N.T., II gruppa, TV-26 teleminora haydovchisi, Karimov M.R., II gruppa, Ak-51 kran kranchisi, Saidov R.A., I gruppa, yuk iluvchi). Brigada a’zolarining familiyasi bosh kelishikda yozilishi mumkin.
11.«bilan quyidagi ish topshiriladi» degan qatorda:
- elektrostansiya, podstansiyalarning elektr uskunalarida va kabel tarmoqlarida ish bajariladigan joydan elektr uskunaning nomi va uning ulamalari hamda ishning mazmuni ko‘rsatiladi, masalan: Podstansiya «Yulduz», 110 kV kuchlanishli ochiq taqsimlovchi uskuna, I va II shinalar. tizmasi orasidagi o‘chirgich, o‘chirgich izolyatorlarini almashtirish. Qoidaning 4.11.3. bandiga asosan bajariladigan ishlarda, faqat elektr uskuna nomi va ish mazmunini ko‘rsatish mumkin; Havo elektr uzatish tarmoqlarida ushbu tarmoqning nomi va ish bajarilishi kerak bo‘lgan uchastka chegarasi (ustunlar tartib raqami ko‘rsatilib, qaysi ustunlarda yoki ustunlar oralig‘ida ish olib borilishi, qaysi ustunlar oralig‘idagi simlarda ishlash, masalan: oxirgi ustun bilan ochiq taqsimlovchi elektr uskunasi portali orasidagi simda va sh.o‘.) hamda ishning mazmuni ko‘rsatiladi, masalan, 500 kV kuchlanishli G‘UZOR-QORAKO‘L havo elektr uzatish tarmog‘i, 120 150 ustunlar, simlarni tortish. Ko‘p zanjirli havo elektr uzatish tarmoqlarida qo‘shimcha zanjirning nomi, fazama faza ta’mirlashda esa, ustunlarda fazalarning joylashishi ko‘rsatilishi zarur.