O’zbekiston respublikasi milliy gvardiyasi harbiy-texnik instituti

Yusupova D.D. - 
O‘zbekiston Respublikasi Milliy gvardiyasi Harbiy-texnik instituti

---

164 
buyuk ma’naviy boyligimizdir. Bunchalik katta merosga ega bo‘lgan xalq dunyoda 
kamdan-kam topiladi” [3], – deb ta’kidlaydi.
Bizning donishmand ajdodlarimiz hamisha ilm-ma’rifatni ulug‘laganlar, insonni 
axloqli, tarbiyali bo‘lishga, Vatanni sevishga, insonparvar hamda millatparvar 
bo‘lishga undaganlar. Ajdodlarimiz tomonidan yaratilgan boy ma’naviy meros, ulkan 
kashfiyotlar inson dunyoqarashi, ayniqsa yosh avlod dunyoqarashini shakllantirish 
hamda rivojlantirishda katta ahamiyatga ega.
O‘tgan asrda o‘zligimizni, tariximizni aniq bilmaganligimiz uchun jahon 
madaniyatiga hissa qo‘shgan allomalarimizning hayoti va ilmiy faoliyati haqida 
yaxshi ma’lumotga ega bo‘lmadik. Bugungi kunda istiqlol tufayli erishgan 
yutuqlarimizdan biri buyuk ajdodlarimiz merosining bizga qaytishidir. Ajdodlarimiz 
tomonidan bizga qoldirilgan boy ma’naviy meros kelajak avlodning tafakkuri, 
dunyoqarashi milliy va umuminsoniy qadriyatlar asosida shakllanishida, Vatanga 
muhabbat, millatparvarlik, ajdodlarga munosib farzand bo‘lish va ularning 
bunyodkorlik faoliyatini davom ettirishda muhim ahamiyat kasb etadi.
“Bugungi kunda jahon miqyosida buyuk ajdodlarimizning so‘nmas dahosiga 
hurmat-ehtirom ko‘rsatilib, ularning boy ilmiy merosini o‘rganishga bo‘lgan 
qiziqishning ortib borayotganligi barchamizni quvontiradi. Shu o‘rinda Belgiyada Ibn 
Sinoga, Litvada Mirzo Ulug‘bekka, Moskva, Tokio va Boku shaharlarida Alisher 
Navoiy bobomizga, Misr poytaxti Qohira shahrida esa Ahmad Farg‘oniy xotirasiga 
hurmat sifatida muazzam haykallarning o‘rnatilishi har bir vatandoshimiz qalbida 
cheksiz iftixor tuyg‘ularini uyg‘otadi” [4].
O‘zbek milliy-ma’naviy merosi o‘zining boyligi, hayotiyligi bilan ham jahon 
sivilizatsiyasida alohida o‘ringa ega. Hozirgi kunda ajdodlarimiz erishgan 
yutuqlarning umumjahon tomonidan e’tirof etilishi, avvalo yoshlarda o‘z xalqiga 
muhabbat, hurmat tuyg‘ularini shakllantiradi, ularda miliy iftixor tuyg‘usini yaratadi, 
o‘zligini chuqurroq anglab olishga imkon beradi. Ajdodlarimizdan avlodlarga 
qoldirilgan boy ma’naviy-madaniy meros hamda ulkan kashfiyotlar mamlakatimiz 
yoshlarida ajdodlar ruhiga hurmat, Vatanga muhabbat hamda millatparvarlik ruhida 
kamol topishida muhim omil bo‘lib xizmat qiladi. 

---

165 
Milliy-ma’naviy qadriyatlarimiz tarixida Amir Temur va Temuriylar davri 
alohida ahamiyatga ega. Amir Temur buyuk davlat barpo etish bilan birga, uning 
kelajagi va ravnaqi yo‘lida bor kuch va salohiyatini safarbar etdi. Uning “Temur 
tuzuklari” asarida vatanparvarlik g‘oyasi asosiy o‘rinni egallab, o‘sha davr ilmiy 
tafakkurining gultoji sifatida baholandi.
Amir Temur “Temur tuzuklari” asarida Vatan ozodligi, yurt tinchligi uchun har 
bir shaxs qayg‘urishi va bu intilish uning vatanparvarlik hissida jo‘sh urishi 
lozimligiga alohida e’tibor berganligi asardagi hikmatli so‘zlarda ham yaqqol 
namoyon bo‘ladi. U ayrim hukmdorlarning Vatan ozodligi uchun kurashish o‘rniga 
o‘z ehtiyojlarini o‘ylab, uni dushman qo‘liga bermaslik uchun kurashganlarga 
nisbatan adolatsizlik qilganlarni qattiq qoralaydi.
Amir Temur bobomizning ma’naviy merosi, ezgu amallari, bunyodkorlik ishlari 
dunyo ahli tomonidan katta qiziqish bilan o‘rganilmoqda. O‘z navbatida, bunday 
bebaho ma’naviy merosimizdan yoshlarimizni vatanparvarlik, istiqlol g‘oyalariga 
sadoqat ruhida tarbiyalashda keng foydalanish mazkur jabhadagi ishlarning 
samaradorligini ta’minlaydi.
Shu o‘rinda she’riyat mulkining sultoni Mir Alisher Navoiyning vatanparvarlik 
tuyg‘usi bilan sug‘orilgan ruboisi ham diqqatga sazovordir: