O‘zbekiston Respublikasi ma'muriy javobgarlik to‘g‘risidagi kodeksining 227-moddasi. Bojxona nazorati zonasi rejimining buzilishi

Bojxona chegarasi- bojxona hududi sarhadlari, shuningdek erkin bojxona zonalarining va erkin omborlarning tegralari O‘zbekiston Respublikasining bojxona chegarasi hisoblanadi.
Deklaratsiyalash — bojxona chegarasi orqali olib o‘tilayotgan va (yoki) bojxona nazorati ostida turgan tovarlar va (yoki) transport vositalari to‘g‘risidagi zarur ma'lumotlarni bojxona organlariga ma'lum qilish
Bojxona rejimi — bojxona chegarasi orqali olib o‘tiladigan tovarlarning va transport vositalarining maqomini bojxona maqsadlari uchun belgilovchi qoidalar majmui


Ob'ekt - Tovarlar va transport vositalarini deklaratsiyalash tartibi
Obektiv tomoni – mazkur huquqbuzarlik ham harakatda ham harakatsizlikda sodir etilishi mumkin.
Bojxona yuk deklaratsiyasi deklarant yoki bojxona brokeri tomonidan bojxona organiga taqdim etiladigan va muayyan bojxona rejimiga joylashtiriladigan tovarlar haqidagi to‘g‘ri ma'lumotlar ko‘rsatilgan hujjatdir. Bojxona deklaratsiyasida noto‘g‘ri ma'lumotlar ko‘rsatib berilishi – harakatda sodir etiladi. (BK 258 - m.)
Bojxona hududiga olib kirilayotgan tovarlar uchun bojxona deklaratsiyasi tovar kelib tushadigan bojxona organiga tovarlar taqdim etilgan kundan e'tiboran o‘n besh kalendar kundan kechiktirmay beriladi – o‘n besh kalendar kundan kechiktirib berish yoki umuman bermaslik – bu harakatsizlikdir. (BK 261-m.)
Sub'ekt - 16 yoshga to‘lgan, aqli raso jismoniy shaxs.
Sub'ektiv tomon – bu huquqbuzarlik qasddan sodir etiladi.


227¹¹-modda. Bojxona organi mansabdor shaxsining bojxona nazoratini o‘tkazish uchun hudud va binoga kirishiga to‘sqinlik qilish
Bojxona nazoratidan o‘tkazilishi lozim bo‘lgan tovarlar va transport vositalari, bunday nazoratni o‘tkazish uchun kerakli hujjatlar mavjud bo‘lgan yoki nazorat etish bojxona organlari zimmasiga yuklangan faoliyat amalga oshirilayotgan hudud yoxud binoga bojxona organi mansabdor shaxsining kirishiga to‘sqinlik qilish, —
fuqarolarga eng kam ish haqining besh baravaridan o‘n baravarigacha, mansabdor shaxslarga esa — yetti baravaridan o‘n besh baravarigacha miqdorda jarima solishga sabab bo‘ladi.