O‘zbekiston Respublikasi ma'muriy javobgarlik to‘g‘risidagi kodeksining 227-moddasi. Bojxona nazorati zonasi rejimining buzilishi

Ob'kt: Bojxonaga doir qonun hujjatlari bilan tartibga solinadigan ijtimoiy munosabatlar.


Ob'ektiv tomoni: bu huquqbuzarlik ham harakatda ham harakatsizlikda sodir etiladi.
Binolarida va hududlarida bojxona nazoratidan o‘tishi lozim bo‘lgan tovarlar va (yoki) transport vositalari, bojxona nazorati uchun zarur hujjatlar turgan yoki turishi ehtimoli bo‘lgan yoxud nazorat qilinishi bojxona organlari zimmasiga yuklatilgan faoliyatni amalga oshirayotgan yuridik va jismoniy shaxslar shu binolarga va hududlarga bojxona organlarining mansabdor shaxslariga ular xizmat guvohnomasini ko‘rsatgan taqdirda kirish imkonini beradi. (BK 185-m.) kirish imkonini bermaslik harakatsizlikdir.
Bojxona organlari zimmasiga yuklangan faoliyat amalga oshirilayotgan hudud yoxud binoga bojxona organi mansabdor shaxsining kirishiga to‘sqinlik qilish –bu harakatda sodir etiladi.
Sub'ekti: Ma'muriy huquqbuzarlik sodir etgan paytda 16 yoshga to‘lgan, aqli raso jismoniy shaxs.
Sub'ektiv tomoni: bu huquqbuzarlik qasddan sodir etiladi.


227¹²-modda. Bojxona organiga hisobotlarni taqdim etmaslik va hisob-kitob yuritish tartibiga rioya qilmaslik
Bojxona nazorati ostida yoxud erkin bojxona zonalari va erkin omborlar hududida bo‘lib, olib kirilayotgan, olib chiqilayotgan, kelib tushayotgan, saqlanayotgan, qayta ishlanayotgan, tayyorlanayotgan, sotib olinayotgan va sotilayotgan tovarlar haqida belgilangan tartibda bojxona organiga zarur hisobotlarni taqdim etmaslik, xuddi shuningdek bunday tovarlar hisob-kitobini yuritish tartibiga rioya etmaslik, —
mansabdor shaxslarga eng kam ish haqining yetti baravaridan o‘n baravarigacha miqdorda jarima solishga sabab bo‘ladi.


Mazkur moddaning sharhi


Ob'ekt Bojxonaga doir qonun hujjatlari bilan tartibga solinadigan ijtimoiy munosabatlar.
Ob'ektiv tomoni – bu huquqbuzarlik harakatsizlikda sodir etiladi.
Tegishli bojxona rejimlari shartlariga rioya etilishi uchun mas'ul bo‘lgan yuridik va jismoniy shaxslar tovarlarning va transport vositalarining hisobini yuritishi hamda bojxona organlariga O‘zbekiston Respublikasi Davlat bojxona qo‘mitasi tomonidan belgilanadigan shaklda hisobot taqdim etishi shart.(BK 200-m) hisobot taqdim etmaslik bu harakatsizlikdir.