O‘zbekiston respublikasi maktabgacha ta’lim vazirligi xorazm viloyat maktabgacha ta’lim boshqarmasi urganch shahar maktabgacha ta’lim bo’limi

1. Ўтилган мавзуни мустаҳкамлаш:
Логопед:
- Болажонлар баҳор фаслида қандай байрам бўлар экан?-...
- Онажонлар байрамини қачон нишонлаймиз?-...
- Қани, болажонлар, ким онажонлар байрами ҳақида шеър айтиб беради?-...
Болалар ўз ихтиёрлари билан ёд олган шеърларини айтиб берадилар.
2. Янги мавзу. Ўйин: “Бу қачон бўлади?”
Логопед болаларга “Бу қачон бўлади?” ўйинини ўйнашни таклиф қилади. Ўйин қоидасини тушунтириб, саволларга жавоб бериб унга мос бўлган йил фаслларининг расмларини топишни айтади:
Қуёш қаттиқ қиздиради, меваларни пиширади,
Болалар чўмилишади, ўзларини чиниқтиришади.
Айтингчи, болалар бу қачон бўлади? (ёз)
Сарғаяди кўкатлар, барг тўкади дарахтлар,
Далалардан ҳосил йиғиб олинар.
Айтингчи, болалар бу қачон бўлар? (куз)
Қуёш нур сочмайди, ҳаммаёқни оппоқ қор қоплайди,
Болалар қордан қорбобо ясайдилар,
Айтингчи, болалар бу қачон бўлар? (қиш)
Қорнинг эриб битиши, қиш бобонинг кетиши,
Ариқларнинг оқиши, анҳор тўлиб оқиши.
Айтингчи, болалар бу қачон бўлар? (баҳор)
- Қайси фаслдан кейин баҳор фасли бошланади?
- Қайси расмда баҳор фасли тасвирланган?
3. Машқ: Ўлкамизга баҳор фасли келди.
Логопед болаларга баҳор фасли белгилари тасвирланган расмларни томоша қилишни айтади. Берилган саволларга тўлиқ жавоб беришни таклиф этади.
- Ҳозир ўлкамизда қайси фасл?-...
- Баҳор фасли қайси фаслдан кейин келади?-...
- Қуёш қандай қиздиради?-...
- Қуёш қиздиргандан сўнг нима бўлади?-...
- Қорлар кўп эриса нималар ҳосил бўлади?-...
- Ерларда нималар униб чиқади?-...
- Қайси дарахт биринчи гуллайди?-...
- Қайси қуш биринчи учиб келади?-...
- Одамлар қандай кийимлар кияди?-...
- Далаларда, боғларда қандай ишлар бошланади?-...