O`zbekiston respublikasi maktabgacha ta’lim vazirligi

Asosiy qism: 20 daqiqa

“Laylakvoy” media mahsulotidan ekranda R tovushi bor randa rasmi ko‘rsatiladi, tarbiyalanuvchilar uning nomini- so`zni aytadilar. Tarbiyachi R tovushini takrorlab (r-r-r-ran-da) so`zini aytadi va qaysi tovushga to`xtalib aytayotganligini tarbiyalanuvchilardan so`raydi. Tarbiyachi R tovushini talaffuzini tushuntiradi.

Tarbiyachiga eslatma.

Rtovushini talaffuzidalablar sal ochiq, harakatsiz bo‘ladi, tishlar bir-biriga yaqinlashgan, ammo tegmagan, til uchi alveolalarga ko‘tariladi va titraydi, yumshoq tanglay ko‘tarilgan va tomoqning orqa devoriga siqilgan bo‘lib, burun yo‘llarini yopib qo‘yadi, havo oqimi esa og‘iz orqali o‘tadi, tovush bog‘lamlari bog‘langan, tebranib tovush hosil bo‘ladi.

Tarbiyachi tarbiyalanuvchilarga R undosh tovush ekani, undosh tovush unli tovush bilan birga bo‘g‘in hosil qilishi haqida tushuntirib, R tovushining talaffuzini o‘rgatadi.R tovushli so`zlar o`ylab topiladi. Shundan so`ng R harfi “Laylakvoy” media mahsulotidan ko`rsatiladi. Bunda R harfining shaklini eslab qolishlariga alohida e’tibor beriladi.

R harfi kitobga joylab qo‘yiladi. (kitob maketiga R kesma harfi yopishtiriladi.)

Harflarninguch xususiyati:yozilishi, ko‘rish mumkinligi va ularni o‘qish mumkinligi aytiladi.Xulosada harflar o`qilishi, yozilishi va ularni ko`rish mumkinligi; tovushlarni esa eshitish va talaffuz qilinishi aytiladi.