O‘zbekiston respublikasi maktabgacha ta’lim vazirligi maktabgacha ta’lim tashkilotlarida ta’lim jarayonini mavzuviy rejalashtirish

Fan va tabiat.
Mavzu: “To‘g‘ri ovqatlanishning inson hayotidagi o‘rni” mavzu asosida tajriba.
Maqsad: Iste’molga yaroqli va yaroqsiz oziq-ovqatlarni ajrata oladi, ularning foydali va zararli tomonlari xaqidagi bilimlarga ega, ovqatlanish ratsioniga meva va sabzavotlarni ko‘proq miqdorda kiritish kerakligini biladi va rioya qiladi. Noto‘g‘ri ovqatlanishning natijasi bilan tanish va uni oldini olashga intiladi.
Kerakli jihozlar: Meva, sabzavotlar, ichimlik, non maxsulotlari, go‘sht maxsulotlari va xoxshiga ko‘ra turli xildagi oziq-ovqat maxsulotlaridan ozgina bo‘lakchalar, ichi ko‘rinadigan yelim idish, mavzuga oid rasmlar, iste’molga yaroqli va yaroqsiz maxsulotlarning rasmlari, “To‘g‘ri ovqatlani ratsioni” tasvirlangan katta xajmdagi rasm.
Faoliyatning borishi:

1. 
   Rasm va ko‘rgazmalarni tomosha qilish.
   
2. 
   Rasmlardagi xolatlarni taxlil qilish.
   
3. 
   Yelim idish ichiga mavjud oziq-ovqat maxsulotlari bo‘laklarini birin-ketin solish.
   
4. 
   Aralshmani nima uchun tayyorlaganliklari va buning xususiyatini izlash.
   
5. 
   Tayyor bo‘lgan aralashmani o‘rganish va fikrlarini o‘rtoqlashish.
   
6. 
   O‘zaro savol javob uyushtirish.
   

Qo‘shimcha: Tarbiyachi tomonidan o‘tkazilgan faoliyatning maqsadi va u yerdan tarbiyalanuvchilar o‘zlariga olgan xulosalari xaqida suxbat uyushtirish. “Chips”, “Sosoaola”ichimliklari asosida tajribalar o‘tkazish.
Alohida e’tibor qaratiladi: Tarbiyalanuvchilarning mavzu asosida olgan bilimlariga rioya qilishlari, ovqatlanish ratsionlarida meva va sabzavotlarni o‘rin olganligi, salomatliklari uchun qayg‘urishlari, ma’lumotlarni tengdoshlari orasida targ‘ib qilishi.


San’at markazi.
Mavzu: “Suratingni chiz”.
Maqsad: O‘ziga baho bera oladi, rasm chizish malakasi yanada rivojlangan, inson tanasini to‘liq ko‘rinishini chizib, unga qo‘shimcha detal, bezaklar beradi. Rasm chizishda qiyin shakllarni kattalar yordamisiz chiza oladi. Rang berishda ranglar uyg‘unligi namayon bo‘ladi.
Kerakli jihozlar va materiallar: bo‘yoq, oq qog‘oz, rangli qalamlar.
Faoliyatning borishi:

1. 
   Markazdan kerakli jixozlarni tanlab olish.
   
2. 
   Bajarilishi lozim bo‘lgan ishni taxminiy rejalashtirish.
   
3. 
   Ijodiy faoliyat.
   
4. 
   Tayyor bo‘lgan chizmaga rang berish.
   
5. 
   Qo‘shimcha bezaklar bilan boyitish.
   
6. 
   Rasmni do‘stlariga namoish etish va uni tasvirlab berish.
   

Qo‘shimcha: Uyga vazifa tarzida “Do‘stim va men” mavzusida tasviriy faoliyatning turli usullari orqali ijodiy ishlar olib kelishni taklif etish va ushbu ishlarni do‘stlariga taqdim etish.
Alohida e’tibor qaratiladi: bajarilayotgan ishda bo‘rtirma sifatlarning shakllanmaganligiga, o‘z tashqi qiyofasini qanday hisoblashi va o‘ziga bo‘lgan ishonchi qanchalik balandligiga, chizgan rasmi orqali bolaning psixologik rivojlanishiga.


Qurish-yasash va matematika..
Mavzu: “Paxtali tayoqchalardan kaft suyaklarini yasash”
Maqsad: Inson tanasi suyaklardan iboratligini biladi, suyuklarni shakllari va ular tayanch xarakati vafasini bajarishi xaqida tushunchaga ega, inson kaftini taxminiy biron bir jixoz orqali yasab berish qobilyatiga ega.
Kerakli jixozlar: Paxtali tayoqchalar, namuna, inson tanasi tasvirlangan maket yoki rasmlar.
Faoliyatning borishi:

1. 
   Inson tanasi tasvirlangan rasm va namunani tmosha qilish.
   
2. 
   Rasm va namunani taxlil qilish va bajaradigan ishni taxminiy rejalashtirish.
   
3. 
   Ijodiy ish.
   
4. 
   Bajarilgan ishga izoh berish.
   

Qo‘shimcha: Paxtali tayoqchalardan odamchalar yasashni taklif etish.
Alohida e’tibor qaratiladi: Bolaning tasavvuri shakllanganligiga, biron bir buyumni o‘z aqli va idroki orqali yasab shu buyumga o‘xshatishi xamda tasavvurining kengayayotganligiga.