O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

5-mavzu. Baydarkada eshkak eshish texnikasi
Baydarkada eshkak eshishda qayiqni olib chiqish, unga o’tirish va unlan chiqish. Bir kishilik baydarka qayig’ini ellingdan falshbortdan yelkaga qo’yib yoki falshbortdan ushlab qo’lda olib chiqiladi. Ikki kishilik yoki to’rttalik baydarkani ikkita eshkak eshuvchi – bittasi qayiq tumshug’idan, ikkinchisi asosdan tutib yelkada yoki qo’lda olib chiqiladi.
Bir kishilik baydarkaga o’tirish uchun eshkak eshuvchi qayiq bortini qirg’oqqa yaqin qilib (tumshug’ini oqimga qarshi) qo’yadi, eshkakni qayiq va qirg’oqqa ko’ndalang qilib, kokpitdan sal oldinroqda qo’yadi. Keyin falshbortning oldingi qismidan ushlaydi, ikkinchi qo’l bilan qirg’oqqa tayanadi, bir oyog’ini o’rindiq oldiga, ikkinchi oyoqni qayiq tubiga o’tkazadi va sekin o’rindiqqa o’tiradi (15-rasm).

15-rasm. Baydarka qayig’iga o’tirish.
Ko’p eshkakli, ya`ni, ikki kishilik yoki to’rttalik baydarkaga o’tirishda birinchi bo’lib oldingi eshkak eshuvchi o’tiradi. Qolganlar o’tirishi uchun oldingi o’tirgan eshkak eshuvchi qayiq tumshug’ini qirg’oqda ushlab turadi. Qayiqdan chiqishda barcha harakatlar teskari bajariladi.
Baydarkada eshkak eshishda eshkakni tanlashda sportchi bo’yi va qo’l uzunligini hisobga olish zarur. Eshkakni ushlashda sportchi qo’llari bilan eshkak dastagidan ushlab bosh ustiga qo’yadi. Qo’llarning tirsakdan bukilish burchagi 90º bo’lganda eshkakni to’gri ushlash hisoblanadi (16-rasm).

16-rasm. Eshkakni to’g’ri ushlash


Eshkak eshuvchining asosiy holati. Asosiy holat – eshkak eshuvchi baydarkada oldinga to’g’ri qarab va yelkalarni erkin tushirib, gavdani oldinga biroz egib o’tiradi. Oyoqlar tizzadan bukilgan, oyoq qo’yish moslamasiga tayanadi. Oyoqlarning tizzadan bukilish burchagi shunday bo’lishi kerakki, tizza qopqog’i falshbort chetidan sal balandroqda joylashadi (17-rasm).
Eshkak eshuvchi eshkakni bir yuzasini suvga tayanib, ikkinchi qo’l balandda ushlaydi. Panjalar orasidagi masofa (eshkakni ushlash kengligi) qo’llar yonga yozilganda tirsaklar orasidagi masofaga teng bo’ladi.

17-rasm. Baydarkada eshkak eshuvchining asosiy holati.