O’zbekiston respublikasi IIV akademiyasi

Davlatning mustaqilligi (suvereniteti). Suverenitet davlatning mustaqil harakatlanish, boshqa davlat ta`siridan xoli bo'lish, o'z hududida hokimiyatni o'z ixtiyoricha boshqarish xususiyatidir. Suverenitet lotincha «supra» — «yuqori» degan so'zdan olingan bo'lib, hokimiyatning kuchini, irodasi oliyligini, ya`ni ustunligini anglatadi. Davlat hokimiyatining suverenligi shunda ko'rinadiki, u mamlakatdagi barcha huquqiy munosabatlar tizimini, umumiy huquqiy tartibotni, davlat organlari, siyosiy partiyalar, jamoat tashkilotlarining, mansabdor shaxslar va fuqarolarning huquqiy maqomini belgilaydi, huquq va burchlarini o'rnatadi.

O'zbekiston Konstitusiyasining 1-moddasida «O'zbekiston — suveren demokratik respublika» degan qoida mustahkamlangan. «O'zbekiston Respublikasining davlat mustaqilligi asoslari to'g'risida»gi Konstitusiyaviy qonunda (1991 yil 31 avgust) mamlakatdagi ko'p millatli aholining xohish-irodasi ifodalanib, davlat mustaqilligi e`lon qilindi.

3. 
   Demokratizm. Siyosiy tizim faoliyatida demo­k­­ratizm prinsipi xalq hokimiyatchiligi prinsipi bilan hamohang namoyon bo'ladi. Har bir xalq, har bir mamlakat demokratiyani o'z hayotiga mos tarzda joriy etadi. Biroq, demokratiyaning xarakterini belgilovchi umumiy mezonlar bor. Bu demokratik tamoyillarga rioya qilinishi, demokratik institutlarning mavjudligi va ularning siyosiy tizim faoliyati bilan bog'liqligidir. Mazkur prinsip Konstitusiyamizning muqaddimasida o'z aksini topgan bo'lib, unda «insonparvar demokratik huquqiy davlat barpo etish» g'oyasi ilgari surilgan. Qonun normalarini qo'llash borasida demokratizm tamo­yili huquqni qo'llovchi va huquqni muhofaza qiluvchi idoralarni tashkil etishda, ularning faoliyat yuritish tartibida, odil sudlovni amalga oshirish jarayonida, aholi uchun yuridik yordamning realligi darajasida o'z aksini topadi5. Demokratizm tartib-qoidalar yordamida shaxs va jamiyat hayotini, siyosiy jarayonlarni, butun siyosiy tizim faoliyatini tartibga soluvchi prinsipdir.
   
4.