O‘zbekiston Respublikasi Hukumatining o‘z kuchini yo‘qotgan qarorlari ro‘yxati

Ruxsatnomaning amal qilishini to‘xtatib turish, to‘xtatish va uni bekor qilish

61. Ruxsatnomaning amal qilishini to‘xtatib turish, to‘xtatish hamda uni bekor qilish “Tadbirkorlik faoliyati sohasidagi ruxsat berish tartib-taomillari to‘g‘risida”gi O‘zbekiston Respublikasi Qonunining 22, 23 va 25-moddalarida nazarda tutilgan hollarda va tartibda amalga oshiriladi.

62. Quyidagilar ruxsat berishga doir talablar va shartlarni bir marotaba qo‘pol ravishda buzganlik uchun ruxsatnomaning amal qilishi to‘xtatilishiga asos bo‘ladi:

vakolatli organning ruxsat berishga doir talablar va shartlarning bajarilishini belgilangan tartibda tekshirishidan bosh tortilsa;

ruxsatnoma berish natijasida harakatlarni bajarish va (yoki) muayyan faoliyatni amalga oshirish fuqarolarning hayoti va sog‘lig‘iga yoki hayvonot dunyosi obyektlariga hamda ularning yashash muhitiga haqiqatda xavf solsa, ruxsatnomada ko‘rsatilgan holatlar (tutish va boshqalar) bundan mustasno;

tabiatni muhofaza qilish qonunchiligi me’yorlari va ruxsatnoma talablari buzilsa;

ruxsatnoma olish uchun qalbaki hujjatlar taqdim etilsa yoki hayvonlarni saqlash sharoitlari mavjud bo‘lmasa.