O‘zbekiston respublikasi axborot texnologiyalari va kommunikatsiyalarni rivojlantirish vazirligi

Odob – inson ko‘rki

Ahloq-odob insonning asosiy, go‘zal xislatlaridan biridir.

Odob yosh tanlamaydi. Kelajagimiz bo‘lgan siz yoshlar o‘z xulqingiz, odobingiz bilan, bilimingiz, kuch-g‘ayratingiz, mehnatingiz bilan yurtimiz poydevorini mustahkam qilasiz.

Odobli, ahloqli bo‘lish uchun esa quydagilarini esdan chiqarmasligingiz lozim. O‘zingizdan kattalarga doimo hurmatda bo‘ling. Ularga doimo yo‘l bering. Avtobus, tramvay, trolleybus va boshqa joylarda joy bering.

Uyda, odamlar oldida taltayib yotmang, qo‘lni orqaga qilib yoki cho‘ntakka tiqib kekkayib turmang.

Xushmuomala bo‘ling. Baqrayib, jerkib yoki birovni qo‘l bilan ko‘rsatib so‘zlashmang, qo‘rslik qilmang.

Har kuni ertalab ota-onalaringiz, aka-opalaringizga salom bering.

Kattalarga gap qaytarmang, ularning gapiga aralashmang. Yomon, uyat gaplarni aytmang. Oqsoq, g‘ilay, soqov va boshqa kamchiligi bo‘lgan kishilarning ustidan kulmang.

«Marhamat», «rahmat», «ruxsat eting», «iltimos qilaman», «kechirasiz», «uzr» kabi so‘zlarni nutqingizda bo‘lishi zarurligini unutmang.