O‘zbekiston respublikasi axborot texnologiyalari va kommunikatsiyalarni rivojlantirish vazirligi

Men ingliz tilini o‘rgandim

Men ilgari inglizcha so‘zlasha olmas edim. Radio va televizordan ingliz tilida berilgan eshittirishlarni juda tinglagim kelar edi. Ingliz tilini bilishga bo‘lgan havasim kun sayin o‘sib bordi.

Institutga kirish havasimning ro‘yobga chiqishiga katta yordam berdi. Biz bu yerda ingliz tilini o‘rgana boshladik. Men darsdan tashqari mustaqil mashqlar qilaman. Avval o‘tilgan grammatik qoidani o‘rganaman. Keyin o‘qituvchi ko‘rsatgan mashqlarni bajaraman, o‘zim ham xuddi shunday misollar tuzishga harakat qilaman. Shu yo‘l bilan qoidani o‘zlashtirgandan keyin matnni o‘qiyman. Undagi notanish so‘zlarni yozib olaman. Shu yangi so‘zlar yordamida gap va savollar tuzaman. Savollarga javob qaytaraman. Keyin matnni yana bir marta o‘qiyman. Shundan keyin yangi so‘zlar yordamida matn mazmunini bir necha marta so‘zlayman.

Ko‘pincha o‘zbek va ingliz tillaridagi matnlarni bir-biriga solishtiraman. Bunda har xil grammatik formalardan har ikki tildagi ifodasini o‘rganaman.

Men ingliz tilini o‘rganib oldim. Hozir ingliz tilida radio tinglayman. Inglizcha so‘zlasha olaman.

Inglizcha gazeta va jurnallardan kichik-kichik xabar, maqola va hikoyalarni o‘qib, mazmunini so‘zlab beraman.
Yozda

Yoz mavsumi o‘lkamizda eng uzoq davom etadigan fasldir. May oyidayoq osmon musaffo bo‘ladi, kunlar isib ketadi. Quyosh charaqlab turadi. Ertalab va kechqurunlari g‘ir-g‘ir shabada esadi. Ba’zi kunlari havo dim bo‘ldi.

Yozda ariq va anhorlarda sharillab suvlar oqadi. Tip-tiniq suvlarda cho‘milsang, tanang yayraydi.

Yozda o‘rik, olma, gilos, shaftoli, nok kabi mevalar, qovun, tarvuzlar pishadi. Yoz – g‘o‘zalar gullaydigan davr. Ekinzorlarda bodring, karam, pomidorlar yetiladi.

Yozda ko‘pchilik ta’tilga chiqadi. Odamlar tog‘ga, dalalarga chiqadilar, sayohatlarga boradilar. Tabiat quchog‘ida rohatlanib dam oladilar. Bolalar ham davolanish maskanlarida, oromgohlarda dam oladilar.

Yozda yovvoyi hayvon va qushlarning ishi ko‘payadi. Ular o‘z bolalarini boqib, katta qiladi va mustaqil hayotga tayyorlaydi.