O’zbekiston respublikasi adliya vazirligi

Iqtisodiy o’sish deganda ma’lum bir davr mobaynida yaratilgan tovar va xizmatlar hajmining o’sishi tushuniladi. Bonobarin, iqtisodiy o’sishning provard maqsadi mavjud ehtiyojlarni to’laroq qondirish, xalq faravonligini oshirishdan iborat.

Iqtisodiy o’sish – mamlakat iqtisodiy potensialini ortishi, ya’ni aholi ehtiyoji uchun tovar ishlab chiqarish va xizmat ko’rsatishning ko’payib, yaxshilanib borishidir.

Jamiyat a’zolarining yuksalib borayotgan ehtiyojlarini qondirishning birdan bir vositasi iqtisodiy o’sishdir. Iqtisodiy o’sish deganda kishilarning talab ehtiyojlarini qondirish uchun zarur bo’lgan moddiy mahsulot va xizmatlarni, ya’ni barcha noz ne’matlarni ishlab chiqarishning ko’payib borishi tushuniladi. Iqtisodiy o’sish moddiy taqchillikdan mol ko’llikka, past turmush darajadan yuqori turmush darajaga o’tishning sharti hisoblanadi.

Iqtisodiy o’sish ikki darajada mikro va makro darajada yuz beradi. Mikroiqtisodiy o’sish – bu korxona, firma va tarmoq doirasidagi o’sishdir. Masalan: agar firma o’tgan yili 4 million so’mlik mahsulot yaratgan bo’lsa, bu yil 5 million so’mlik mahsulot yaratdi deylik. Demak, bu yil firmada mikroiqtisodiy o’sish yuz berib, mahsulot hajmi 1 million so’mga ko’paygan.