O‘zbekiston respublikasi adliya vazirligi

Mamlakatimizda, kelgusida hududlarda aholini, ayniqsa, qishloq 
joylarda toza ichimlik suvi bilan ta‟minlash, maishiy chiqindilarni 
to„plash, qayta ishlash hamda utilizatsiyalash qilish masalalari bilan bir 
qatorda, fuqarolarning ekologik madaniyatini oshirish, yosh avlod 
qalbida ona-tabiatga muhabbat, unga daxldorlik hissini tarbiyalash 
masalalariga ham jiddiy e‟tibor qaratilmoqda.
Umuman olganda iqlim o‗zgarishi oqibatida yog‗ingarchiliklar 
miqdori o‗zgardi. Shu sabab yuz beradigan sel ko‗chkilari tuproq 
yeroziyasining kuchayishiga olib kelishi mumkin. Demak, ekologik toza 
texnologiyalarni ishlab chiqish va qishloq xo‗jaligiga tadbiq etish, 
sug‗orish tizimlarining samaradorligini oshirish, sahrolanish va 
cho‗llanish, tuproq sho‗rlanishi va yer yeroziyasiga qarshi kurash kabi 
chora-tadbirlarni doimiy olib borish va tomchilab sug‗orish tizimini 
shakllantirish o‗ta dolzarb masala bo‗lib qoladi. 
 
 
 

---

74 
4-§. Qishloq xo„jaligida ekologik xavfsizlikni ta‟minlashda oziq-ovqat 
xavfsizligining ahamiyati 
 
Mustaqillikka 
erishganimizdan 
so‗ng xalqimizni oziq-ovqat 
mahsulotlari bilan barqaror ta‘minlash, aholi talabini o‗zimizda 
yetishtirilayotgan ekologik va sifatli meva-sabzavot, poliz, uzum va 
kartoshka mahsulotlar hisobiga to‗la qondirish masalalariga alohida e‘tibor 
berilmoqda. 
Shu ma‘noda, mamlakatimizda ―2017-2021 yillarda O‗zbekiston 
Respublikasini rivojlantirishning beshta ustuvor yo‗nalishlari bo‗yicha 
Harakatlar strategiyasi‖da qishloq xo‗jaligi ishlab chiqarishini izchil 
rivojlantirish, mamlakat oziq-ovqat xavfsizligini yanada mustahkamlash, 
ekologik toza mahsulotlar ishlab chiqarishni kengaytirish, agrar sektorning 
eksport salohiyatini sezilarli darajada oshirish ustuvor vazifa sifatida 
belgilangan. 
Hozirgi vaqtda rivojlangan va rivojlanayotgan mamlakatlar oziq-
ovqat yetishtirish borasida olib borayotgan samarali faoliyatga 
qaramasdan, oziq-ovqat mahsulotlari ishlab chiqarish hajmining o‗sishi 
aholi soni o‗sishidan orqada qolmoqda, bu esa qishloq xo‗jaligini 
rivojlantirish uchun yetarli sharoit mavjud bo‗lmagan mamlakatlarda 
muammo tobora chuqurlashib borayotganini ko‗rsatmoqda.