O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

Mavzu bo‘yicha xulosalar

Mazkur mavzuni o‘rganishda oʻquvchilar jinoyat ishlari yurituviga oid qoidalarning xalqaro hujjatlarda va tarmoq qonun hujjatlarida mustahkamlanishiga oid masalalarni ko‘rib chiqishlari; qiyosiy-huquqiy tahlil o‘tkazib, jinoyat ishlarini yuritishda protsessual shaklning rolini aniqlashlari hamda jinoyat protsessual qonunining rivojlanish tarixi va takomillashtirish istiqbollarini yoritishlari lozim.

Muammoli savollar va kazuslar

Kodeks muayyan huquq (qonunchilik) sohasidagi normativ majmuani ifodalovchi, jamlovchi qonun bo‘lib, unga kiritilgan huquqiy normalarning mantiqiy bog‘liqligi hamda mutanosibligi, huquq tarmog‘iga va qonunchilik sohasiga monand tizimli joylashtirilganligi bilan tarmoq qonunlardan ustun turadi. Jinoyat-protsessual kodeksida belgilangan usullar orqali jinoyat protsessi vazifalarini bajarishning ahamiyatini ochib bering.


Kazus
Xorijiy davlat diplomatik vakolatxonasining vakili Nasibov mansabini suiiste’mol qilib chet el vizasini olish uchun murojaat qilgan Salimovdan tovlamachilik qilib, vakolatxonadan tashqarida 300 AQSH dollari miqdorida pora olganligi fosh etilgan. Nasibov jinoiy javobgarlikdan qutulib qolish maqsadida vakolatxonaga yashiringan. Tergovchi gumon qilinuvchini va daliliy ashyoni topish maqsadida vakolatxonada tintuv o‘tkazish to‘g‘risida qaror chiqargan.
Tergovchining harakatlariga huquqiy baho bering. Uning qarori qonuniymi? Ushbu holatda tergov organlari tomonidan qaysi qonun va normativ hujjatlar asosida qanday harakatlar amalga oshirilishi lozim?

II BOB. JINOYAT PROTSESSI PRINSIPLARI

(Muallif – yuridik fanlar nomzodi, professor U.A Tuxtasheva)
Annotatsiya: O‘quvchilar uchun mazkur mavzu o‘rganilishi jinoyat protsessi prinsiplari tushunchasi va ularning mazmun mohiyatini aniqlab olishga imkon beradi.

2.1. Jinoyat protsessi prinsiplari tushunchasi va tizimi