O‘zbekiston respubikasi oliy va o‘rta maxsus ta’lim vazirligi

Jismoniy madaniyat: Jismoniy madaniyat umum madaniyatning tarkibiy qismidir. U jismoniy tarbiya, sport sayohat, xalq milliy o‘yinlari va ularni tashkil qilish bilan bevosita bog‘langan barcha imkoniyatlarni (musobaqalar, taqdirlashlar, sport inshootlari, sport buyumlari, kiyimlar, jismoniy chiqishlar va h.k.) o‘zida mujassamlashtiruvchi ijtimoiy-madaniy hamda tarbiyaviy xususiyatlar majmuidir.
Jismoniy_tarbiya'>Jismoniy tarbiya: Jismoniy tarbiya inson kamolotini tarbiyalovchi va jismoniy jihatdan salomatlikni ta’minlovchi pedagogik jarayon hisoblanadi. Bunda jismoniy mashqlar (sport ham) turli hil harakatli o‘yinlar, sayohatlar, tabiatning sog‘lomlashtiruvchi ta’sir kuchlari (suv, havo, quyosh, gigienik omillar va h.k.) asosiy vosita sifatida xizmat qiladi.
Jismoniy tayyorgarlik tushunchasi jismoniy jihatdan chiniqish, barkamollikka etishish, bunda jismoniy mashqlar bilan muntazam shug‘ullanish yoki sportning biron turi bilan astoydil band bo‘lish kabi jarayonlar qo‘llaniladi.
Jismoniy sifatlar deganda, jismoniy mashqlar va sport bilan shug‘ullanish natijasida erishilgan chaqqonlik, epchillik, tezlik, kuchlilik, chidamlilik, qayishqoqlik (egiluvchanlik) kabi eng zurur amaliy harakat faoliyatlar tushuniladi.
Sport- jismoniy tarbiya va uning vositalaridan eng yuqori cho‘qqisini bildiradi. O‘zbekistonda 50ga yaqin (texnik turlardan tashqari) sport turlari mavjud. Ularning eng qiziqarli va ommaviy turlariga keyingi bo‘limlarda izohlar beriladi.