O’zbekiston Oliy va O’rta Maxsus Ta’lim Vazirligi Toshkent Davlat Sharqshunoslik Universiteti "Sharq mamlakatlari iqtisodiyoti"

O’zbekiston Oliy va O’rta Maxsus Ta’lim Vazirligi
Toshkent Davlat Sharqshunoslik Universiteti
"Sharq mamlakatlari iqtisodiyoti"
KAFEDRASI


Turkshunoslik fakulteti
XMI va siyosati (turk-ingliz) 1- guruhi


Mustaqil ish


Fan: Buxgalteriya hisobi
Mavzu : Buxgalteriya balansi va uning tuzilishi

Tekshirdi: Qodirjonov Adhamjon

Bajardi: Rahamtillayev Azizjon

BUXGALTERIYA BALANSI VA UNING TUZILISHI
Reja:


KIRISH
1. Buxgalteriya balansi haqida tushuncha.
2. Buxgalteriya balansi turlari.
3. Buxgalteriya balansi va uning tuzilishi.
4.XULOSA.
Tayanch so‘z va iboralar: balans, avans, aktiv, korxona aktivlari, balans qiymati, brutto-balans, kirish balansi, joriy balans, majburiyat, mehnat buyumi, mehnat vositalari, netto-balans, passiv.

KIRISH
Respublikamizda bozor iqtisodiyotiga o’tish tamoyillari va uning keyingi bosqichlarida ustuvor yo’nalishlarning belgilanishi, ayniqsa ijtimoiy-siyosiy hayotni, jumladan iqtisodiyotni erkinlashtirish, mulkdorlar sinfini tashkil qilishdan kelib chiqkan holda bir qancha sohalarni, jumladan buxgalteriya hisobi tizimini ham isloh qilishni taqozo etdi.
Iqtisodiy islohotlarning chuqurlashib borishi, O’zbekiston Respublikasining jahon iqtisodiy tizimiga integratsiyalashuvi o’z navbatida mavjud qonunchilik asosini doimiy ravishda takomillashtirib uni xalqaro me’yorlar va standartlarga moslashtirib borishni taqozo qiladi.
O‘zbekiston Respublikasi Prezidentining 2017 yil 7 fevraldagi 4947-sonli Farmoni bilan tasdiqlangan “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi” jamiat hayoti barcha sohalari uchun asosiy dasturamal bo‘lib hisoblanadi¹.
Buxgalteriya hisobini isloh qilinishi, eng avvalo, uning boshqaruv hisobi moliyaviy hisob va soliq hisobiga bo’lib o’rganishimizni taqozo etadi. Hisobning shunday bo’linishi nafaqat korxonaning, balki barcha manfaatdor tomonlarning, shu jumladan davlatning ham istiqboli uchun xizmat qiladi.
Iqtisodiy islohotlarni chuqurlashib borishi jarayonida boshqa sohalar xodimlari qatorida hisob xodimlaridan ham chuqur bilim, juda ko’p ma’lumot, tajriba talab etiladi. Shu maqsadda 5111000 - Kasb ta’limi (5230600-Moliya, 5230700 -Bank ishi, 5231200-Sug’urta ishi); 5230600 - Moliya; 5230700 – Bank ishi; 5231200 – Sug’urta ishi; 5231300 - Pensiya ishi; 5231500 – Baholash ishi; 5232000 – Davlat byudjetining g’azna ijrosi ta’lim yo‘nalishlari uchun mo‘ljallangan bo’lib. «Moliyaviy va boshqaruv hisobi» fani kiritilgan. Ushbu fan bevosita Buxgalteriya hisobi nazariyasi, Moliyaviy hisob, Boshqaruv hisobi, Iqtisodiyot nazariyasi, Statistika, Makro va Mikro iqtisodiyot, Audit kabi bir qator fanlar bilan bog’liq.
Ushbu ma’ruza matnlari talabalarga «Moliyaviy va boshqaruv hisobi» fanini o’zlashtirishda yordam beradi degan umiddamiz. Ma’ruza matnlari to’plamida buxgalteriya hisobining qonuniy asoslari, hisobning xalqaro va milliy standartlari, O’zbekiston Respublikasi Vazirlar Mahkamasining qarorlari hamda iqtisodiy adabiyotlar, jurnal, gazeta ma’lumotlaridan keng foydalanildi, xorijiy tajribalarni inobatga olib tayyorlandi.

1.