Oʼzbekiston milliy universiteti tаrix fаkulteti oʼzbekiston tаrixi kаfedrаsi

Tadqiqotda qo‘llanilgan metodikaning tavsifi. Tadqiqotda O‘zbekiston Respublikasi Prezidentining mavzuga oid asarlari, ularda o‘z ifodasini topgan ilmiy-nazariy g‘oyalarga, bag‘rikenglik, diniy konfessiyalar o‘rtasidagi munosabatlar, ular o‘rtasidagi muammoli holatlarni o‘rganish borasidagi fikr-mulohazalarni tadqiq etuvchi xorijiy va O‘zbekistonlik dinshunos, faylasuf olimlarning asarlariga, manbalariga tayanildi va mazkur ta’limotlar har tomonlama holis va qiyosiy tahlil qilindi.

Tadqiqot natijalarining nazariy va amaliy ahamiyati. Tadqiqotning nazariy ahamiyati shundaki, unda ilgari surilgan g‘oya va olingan natijalar kelgusida diniy sohaga oid tadqiqotlarni ilmiy-nazariy, uslubiy nuqtai nazardan boyitishga xizmat qiladi. Shuningdek, ilmiy xulosalardan ushbu mavzu bo‘yicha maxsus kurslar tayyorlash va ilmiy seminarlar o‘tkazishda foydalanish mumkin.

Tadqiqotning amaliy ahamiyati shundan iboratki, olingan natijalardan ta’lim muassasalarida tarbiyaviy ishlarni rejalashtirishda, madaniy-ma’rifiy tashkilotlarda, mahallalarda, milliy-madaniy markazlarda, ijodiy uyushmalarda ma’naviy-axloqiy tarbiyani amalga oshirishda foydalanish mumkin.