Oʼzbekiston milliy universiteti tаrix fаkulteti oʼzbekiston tаrixi kаfedrаsi

Tadqiqot mavzusi bo‘yicha adabiyotlar sharhi (tahlili). O‘zbekiston Respublikasi Prezidentining asarlari hamda O‘zbekistonni rivojlantirish Harakatlar strategiyasida bayon etilgan diniy bag‘rikenglik, tolerantlik masalalariga oid konseptual g‘oyalar mazkur tadqiqotga ilmiy-metodologik asos bo‘lib xizmat qildi².

Tadqiqot mavzusi yuzasidan xorijlik olimlardan D.Bell, P.S.Gurevich, E.Dyurkgeym, Idris SHax, I.A.Ilin, DJ.M.Yinger, K.Manxeym, SH.Monteske, V.V.Rozanov, Foma Akvinskiy, S.S.Frank, E.G.YAkovlev kabilar ilmiy-tadqiqot olib borganlar.³ Ular o‘z izlanishlarida dinlarning jamiyatdagi, zamonaviy dunyodagi o‘rni, diniy qadriyatlar, dinlardagi gumanizm g‘oyalari, tolerantlik kabi yondashuvlarni ilgari surganlar.

O‘zbekistonlik olimlarning ilmiy izlanishlarida diniy bag‘rikenglik masalalari muntazam muhokama qilib kelinmoqda. Bu borada A.Abdusamedov, V.Alimasov, A.Boboev, M.Imomnazarov, Ibroxim Karimov, N.Komilov, G.N.Navro‘zova, M.N.Nuritdinnov, R.T.SHodiev, E.YUsupov, I.Xo‘jamurodov, I.Xudoyberdiev kabi tadqiqotchilarning ilmiy izlanishlarini⁴ keltirish mumkin. Jumladan, E.YUsupov islom dinidagi ijtimoiy-axloqiy qadriyatlarning, fikrlarning shaxs hayotiga, jamiyatdagi o‘rniga, ma’naviyat yuksalishiga diqqatini qaratgan bo‘lsa,⁵ A.Abdusamedov, I.Karimov, G.Navro‘zova, T.Tashlonov, I.Xudoyberdiev, I.Xo‘jamurodov, N.Hakimov islom dini va islomiy qadriyatlarning genezisi, ijtimoiy-tarbiyaviy ahamiyati, undagi bag‘rikenglik masalalarini tadqiq qilganlar.