O`zbekiston Milliy universiteti Jurnalistika fakulteti

Voqealar rivoji. Badiiy asar syujetidagi voqealarning muayyan nuqta, ya’ni tugundan so’nggi taraqqiyoti voqealar rivoji deyiladi. «Sinchalak» povestida Qalandarovning Saidaning ustidan shikoyat qilib obkomga ketishi, lekin u erga kirmasdan kelib, Saidani chaqirtirish va kechirim so’rashgacha bo’lgan ishlar voqealar rivojini tashkil etadi. «Qutlug’ qon» dagi qo’zg’olongacha kechgan narsalar ham voqealar rivojining ichiga kiradi.

Kulminatsiya nuqtasi. voqealar rivojining, qahramonlar o’rtasidagi munosabatlarning eng yuqori cho’qqisi kulminatsiya nuqtasi deyiladi. «Qutlug’ qon» tasvirlangan qo’zg’olon voqeasi roman syujetining kulminatsiyasi hisoblanadai. Ba’zan kulminatsiya nuqtasi asarning boshida ham kelishi mumkin. U.Umarbekovning «Yoz yomg’iri» qissasidagi Munisxonning o’ldirilishi voqeasi bunga misol bo’la oladi.

Yechim. Asarda tasvirlangan voqealarning va qahramonlar taqdirining xal bo’lishini ifoda edib berilishi yechim deb ataladi. «Sinchalak»da Qalandarovning Saidadan kechirim so’rashi asarning echimidir. «Qutlug’ qon»da Yo’lchining o’limi, shu munosabat bilan Shokir otaning aytgan gaplari asar voqealarining yechimidir.