O'zbekiston Milliy Ensiklopediyasi indd

ЧИҒАТОЙ Тоҳир (Тоҳир Шокурзода) 
(1902, Тошкент — 1984.27.6, Туркиянинг 
Бурса ш.) — файласуф. Тошкентдаги эски 
мактабда, кейин янги усул ва рус тузем 
мактабларида билим олди. Сўнг Уфадаги 
«мадрасаи олия»да, Боку (1915—17)да 
таҳсил кўрди. 1922 й. Германияга бориб, 
Хайделберг университетида фалсафа, со-
циология ва иқтисодиёт фанлари билан 
шуғулланди. Шу университетнинг фал-
сафа фтида «Туркистон иктисодиёти» 
мавзусида дрлик диссертациясини ҳимоя 
қилди (1931). Ч. 192939 й.ларда Берлинда 
чиқадиган «Ёш Туркистон» жур. масъул 
котиби ва ходими. 1939 й.дан умрининг 
охиригача Туркияда яшади. Анқара уни-
верситети доценти ва проф. (1953—62), 
ижтимоий фанлар бўлими мудири (1971 
й.гача). Ч.нинг «Қизил империализм» 
(Истанбул, 1958—62), «Туркистонда тур-
кийлик ва халқчилик» (Истанбул, 1951, 
1954, 1967, 1969), «Туркистонда миллий 
озодлик ҳаракатидан лавҳалар» (1959) 
каби китоблари нашр этилган.
Шерали Турдиев.
«ЧИҒАТОЙ ГУРУНГИ» - Тур-
кистон жадидлари томонидан ташкил 
этилган маданиймаърифий ва илмий-
адабий ташкилот (1919—21). Фипграт 
бошчилигида 
Тошкентда 
тузилган. 
Туркистон мухторияти ҳукуматининг 
ағдарилиши ва Колесов воқеаси (1918 й. 
фев.—март)дан кейин асосан Тошкентда 
фаолият кўрсатаётган жадидлар тактик 
мақсадларни кўзлаб, совет ҳокимияти 
билан яқинлашишга мажбур бўлдилар. 
Фитрат совет ҳокимиятидан сиёсий 
ташкилот тузиш учун рухсат ололмагач, 
маданий қурилишга хизмат қиладиган 
миллатпарвар ташкилот тузишга интил-
ган. Туркистон АССР миллий ишлар 
халқ комиссарлиги томонидан «сиёсат-
га аралашмаслик шарти билан» «Ч.г.» 
тузилишига расмий рухсат берилган. 
Ушбу ташкилот номланиши 13—14-а.
ларда мавжуд бўлган Чиғатой улуси ва 
14—16-а.ларда эски ўзбек тили маъно-
сида қўлланган чиғатой тили каби ата-
малар ва истилоҳлар билан боғлиқдир. 
Фитрат ташкилотга ном танлашда Турки-
стон ҳудудида яшаган туркий халқларга 
дахлдор меросни ўрганишга эътибор 
қаратган.
«Ч.г.» туркий халқлар маданияти, 
санъати, адабиёти, тарихи, тил ва имлоси 
каби соҳаларни жиддий ўрганишга ки-
ришган. «Гурунг» аъзолари ўзбек тили-
нинг софлиги учун курашиш билан бир 
қаторда янги ўзбек миллий маданиятини 
барпо этишга интилганлар. Ўша даврда 
мавжуд бўлган «Темур», «Турон», «Ту-
рон тўдаси», «Турк кучи», «Изчи» каби 
тўдалар ва уюшмаларга нисбатан «Ч.г.» 
самарали фаолият кўрсатган. «Ч.г.» низо-
мида ёзилишича, у бир нечта шуъбалар-
дан иборат бўлган. Бу шуъбалар «Тил ва 
имло тўдаси», «Адабиёт тўдаси», «Санъ-
ат ва театр тўдаси» ва б. деб номланган. 
«Тил ва имло тўдаси»га дастлаб Чўлпон, 
сўнгра Элбек раҳбарлик қилган. Фитрат-
нинг «Тилимиз» (1919) мақоласида ушбу 
тўданинг дастурий йўналиши белги-
лаб берилган бўлиб, Ашурали Зоҳирий, 
Элбек, Шорасул Зуннун, Шокиржон 
Раҳимий, Қаюм Рамазон, Ғози Олим 
Юнусов каби олимларнинг тилшунос-
ликка оид ишлари ушбу дастурга биноан 
бажарилган. «Гурунгчилар» томонидан 
1919 й.да араб алифбосини ислоҳ қилган 
ҳодда янги алифбо яратилган. Тил ва 
имло қурултойи (1921 й. янв.) бевосита 
«Ч.г.» ташкилотчилигида ўтган.
«Ч.г.» тарих соҳасидаги ишни ман-
башуносликдан бошлаган. Туркистон 
ўлка Мусулмонлар бюроси 1919 й.да 

---

www.ziyouz.com кутубхонаси
128
Фитрат, Назир Тўрақулов ва Лазиз Азиз-
зодадан иборат ҳайъат тузиб, тарихий 
меросни ўрганиш зарурлигига эъти-
борни қаратган эди. Уларнинг Бухоро, 
Самарқанд ва Фарғона водийсига қилган 
илмий сафарлари натижасида кўплаб та-
рихий асарларнинг қўлёзмалари топилди 
ва Тошкентга олиб келинди.
«Ч.г.» адабиёт ва санъат соҳасида 
муҳим ишларни амалга оширган. Фи-
трат, Чўлпон, Боту, Элбек қаламига 
мансуб «Ўзбек ёш шоирлари» (1922) 
тўплами, Фитратнинг «Темур сағанаси», 
«Ўғузхон», «Або Муслим» ва «Қон» син-
гари драматик асарлари бунга мисолдир.
«Ч.г.» аъзолари ўз ғояларини «Янги 
Шарқ», «Учқун» газ. ва «Тонг» жур. 
орқали ифодалашган. Ташкилотнинг 
«Чиғатой 
гурунги» 
номли 
махсус 
жур.ининг 1сони чоп қилингач, жур. 
такиқланган. 1921 й. бошларида «Ч.г.» 
ташкилоти фаолияти Туркистон АССР 
Маориф халқ комиссарлиги томонидан 
тўхтатилган. 
Наим Каримов, Қаҳрамон Ражабов.