O'zbekiston Milliy Ensiklopediyasi indd

ЧУКЧАЛАР (ўзларини луоравет-
лан — «ҳақиқий инсон» деб аташа-
ди) — РФнинг Чукотка (тахм. 12 минг 
киши) ва Коряк (1,5 минг киши) мухтор 
округларида яшовчи халқ. РФда жами — 
15,1 минг киши (1990-й.лар ўрталари). 
Чукча (чукот) тилида сўзлашади. Дин-
дорлари — православлар, анъана-
вий эътиқодлар сакланган. Асосий 
машғулотлари — кўчманчи буғучилик, 
денгиз ҳайвонларини овлаш. 
ЧУЛИМ — Сибирь (РФ Красноярск 
ўлкаси ва Томск вилояти) даги дарё. Обь 
дарёсининг ўнг ирмоғи. Уз. 1799 км, 
ҳавзасининг майд. 134 минг км2. Кузнецк 
Олатовидан бошланувчи Белий ва Чёр-
ний Июс дарёларининг қўшилишидан 
ҳосил бўлган. Асосан, қордан тўйинади. 
Ўртача сув сарфи 785 м3/сек. Окт.— нояб.
да музлаб, апр.— майда муздан бўшайди. 
Йирик ирмоқлари ўнгдан: Кемчуг, Чич-
каюл; чапдан — Кия, Сереж, Урюп, Яя. 
Ёғоч оқизилади. Қуйилиш жойидан 1173 
км масофада кема қатнайди. Ч. бўйида 
Назарово, Ачинск, Асино ш.лари жой-
лашган. 
ЧУЛИМ ТИЛИ, чулим татарлари 
тили, чулимтуркий тили — туркий тил-
ларнмнг уйғурўғуз гуруҳига мансуб, 
РФда Обь дарёсининг ўнг ирмоғи бўлган 
Чулим соҳилларида яшовчи оз сонли (690 
киши, 1996) чулим (кижилар) халқининг 
тили. Қуйи чулим ва ўрта чулим лахжала-
рига бўлинади. Ушбу лаҳжалар, асосан, 
фонетик, қисман грамматик ва лексик 
жиҳатдан ўзаро фарқланади. Ч.т. ўз ёзу-
вига эга эмас, кундалик ҳаётда сўзлашув 
тили сифатида қўлланади, холос.
ЧУЛИМЛАР, чулим татарлари — 
Чулим дарёси (Обь дарёси ирмоғи)нинг 
ўрта ва қуйи оқими бўйларида яшов-
чи туркий гуруҳ. Ч. Сибирь хонлиги 
қулагач, Шарққа томон силжиган ай-
рим туркий қавмлар, қисман телеутлар 
ва Енисей қирғизларининг селькуплар 
ва кетларнинг майда гуруҳлари билан 
аралашуви натижасида 17— 18-а.ларда 
шаклланган. Ч. ўтроқ ҳаёт тарзи кечи-
риб, деҳқончилик ва чорвачилик билан 
машғул бўлишган. Ч. аждодлари хакас-
лар ва руслар билан аралашиб кетган.