O'zbekiston Milliy Ensiklopediyasi indd

ЧОРИКОР 
— 
Афғонистоннинг 
шарқий қисмидаги шаҳар, Кобул ш.дан 
шимолроқда. Парвон вилоятининг маъ-
мурий маркази. Аҳолиси 196,7 минг 
киши (2003). Металл ва кун буюмлар 
ишлаб чиқариладиган ҳунармандчилик 
ва тўқимачилик корхоналари мавжуд. Ку-
лолчилик буюмлари тайёрланади. Шаҳар 
атрофи боғ ва токзорлар.
ЧОРИҚУЛБОЙ Пирнафасбой ўғли 
(1847, Бухоро вилояти Ромитан тума-
нидаги Қоқиштувон қишлоғи — 1934, 
Чоржўй вилоятидаги Дарғонота ш.) 
— йирик қоракўлчи бойлардан бири. 
Ўзбекистонда ерсув ислоҳоти даврида 
(1925—26) Қизилқум яйловларидаги 
50 минг бош куй ва б. молмулкларини 
ўз ихтиёри билан совет ҳокимиятига 
топширган. Бироқ, шунга қарамасдан 
1932 й.да қамалиб, Оренбургга сургун 
қилинган. Ўзбекистон ССР ХКС раиси 
Ф.Хўжаевнинг аралашуви билан 1933 
й.да Ч. сургундан кайтарилган ва унга 
Чоржўй вилоятидаги Дарғонотада яшаш 
учун рухсат берилган. Ч. Ромитан ш.да 
Зарафшон дарёси устида ҳашаматли 
кўприк (1911—14) ва Хайробод ариғи 
бўйида муҳташам клуб (1924) қурдирган. 
Ўзбекистон истиқлолга эришгач, унинг 
хоки Қоқиштувон қишлоғидаги Сазокли 
бобо (Ҳазрати Насимий) қабристонига 
қайта дафн этилган (1993). Қабри устига 
мақбара ўрнатилган.
Ад. .Ҳалимов 
Т., 
Саҳоватли 
Чориқулбой, Бухоро, 1996.
ЧОРКЕСАР — Наманган вилояти 
Поп туманидаги шаҳарча (1957 й.дан). 
Туман маркази. Яқин т.й. станцияси — 
Поп (30 км). Аҳолиси 1,6 минг киши 
(2003). Канкалсойдан сув олади. Ёнида 
Чоркесар руда кони мавжуд. Умумий таъ-
лим мактаби бор. 
ЧОРЛАШ, чақириқ — Туркистон 
халкларида никоҳ тўйидан сўнг келин 

---

www.ziyouz.com кутубхонаси
150
ёки куёв шарафига ҳар икки куда уй-
ида ўтказиладиган 1чақириқ, зиёфат, 
маросим. Ўзбекларда келин Ч. (чорлар) 
тўйдан кейин бир ҳафта ичида келин-
нинг ўз отаонасиникига куёвнинг яқин 
қариндошлари, қўниқўшнилари билан 
меҳмон бўлиб боришидир (эркаклар 
иштирок этмайди). Бунда куёвнинг она-
си қудасиникига ҳар хил совғалар, мил-
лий таомлар, ширинлик ва б. келтиради. 
Келиннинг онаси зиё фат тугагач, аёл 
кудаларга совға, қизига эса бошоёқ сар-
по қўяди. Ч. билан қудаларнинг расмий 
қариндошчилиги бошланган. Куёв Ч. 
(чақириқда) 1фарзанд кўргунга қадар куёв 
яқин қариндошуруғлари, маҳалладаги 
эътиборли кишилар, дўстлари (фақат 
эркаклар) билан қайнатасиникига бора-
ди. Куёвнинг қайнатаси ўз имкониятига 
яраша куёвига ва унинг қариндошларига 
совғалар беради. Ҳозирда Ч. маросими 
йўқолиб бормоқда.