O‘zbekistan temir yo‘llari

Rasm 2.4, a

Ayrim stansiyalarda O‘zbekiston Respublikasi temir yo‘llaridan texnik foydalanish qoidalarida belgilangan tartibda chiqish va marshrut svetoforlarida uchta sariq chiroqli signal qo‘llanishi mumkin - «Motor vagon poyezdi, yakka lokomotiv, motovoz va drezinalarga 20 km/soat dan oshmagan tezlikda yo‘lning bo‘sh uchastkasiga o‘ta ehtiyotkorlik bilan marshrut svetoforining qizil chirog‘igacha o‘tishga ruxsat etiladi» (rasm 2.4, b).

Rasm 2.4, b
TAKLIF QILUVCHI SIGNAL


9. Taklif qiluvchi signal - bitta oq-oy rangli o‘chib–yonuvchi chiroq poyezdga 20 km/soat dan oshmagan tezlikda qizil chiroqli (yoki o‘chgan) svetofordan o‘tishga va harakatni keyingi svetoforgacha (yoki chegaraviy ustunchagacha, chiqish svetofori yo‘q bo‘lgan yo‘lga qabul qilinganda) juda xushyorlik bilan, agarda yo‘lda to‘siq uchrab qoladigan bo‘lsa darhol to‘xtatishga tayyor bo‘lgan holda davom ettirishga ruxsat beriladi (rasm 2.5).
Bu signal kirish, shuningdek marshrut va chiqish (guruh svetoforlaridan tashqari) svetoforlarida qo‘llaniladi.
CHiqish svetoforining taklif qilish signali bo‘yicha jo‘natishga faqat avtoblokirovka bilan jihozlangan ikki yo‘lli peregonning to‘g‘ri yo‘lidan ruxsat etiladi.

Rasm 2.5.

CHIQISH SVETOFORLARI

10. Avtoblokirovka bilan jihozlangan uchastkalardagi chiqish svetoforlaridan quyidagi signallar uzatiladi:
bitta yashil chiroq - «Poyezdga stansiyadan jo‘nashga va belgilangan tezlikda yurishga ruxsat etiladi, oldinda ikki va undan ortiq blok-uchastka bo‘sh (rasm 2.6, a);
bitta sariq chiroq - «Poyezdga stansiyadan jo‘nashga va to‘xtashga tayyor bo‘lgan holda yurishga ruxsat beriladi; keyingi svetofor yopiq» (rasm 2.6, b);
ikkita sariq chiroq, ularni yuqorisidagi o‘chib yonadigan chiroq - «Poyezdga pasaytirilgan tezlikda stansiyadan jo‘nashga ruxsat beriladi; poyezd strelka o‘tkazgich orqali og‘ishgan holda o‘tadi; keyingi svetofor ochiq» (rasm 2.6, d);