O‘zbekistan temir yo‘llari

Rasm 2.2, v

bitta qizil chiroq - «To‘xta! Signaldan o‘tish taqiqlanadi» (rasm 2.2, g);

Rasm 2.2, g

Kirish svetoforlaridan poyezdni stansiyaga ikki yo‘lli (ko‘p yo‘lli) peregonning noto‘g‘ri yo‘lidan qabul qilish uchun quyidagi signallar uzatiladi:

ikkita sariq chiroq - «Poyezdga pasaytirilgan tezlik bilan keyingi chiqish (marshrut) svetofori yoki chegaraviy ustuncha to‘g‘risida to‘xtashga tayyor holda stansiyaga kirishga ruxsat etiladi»;
bitta qizil chiroq - «To‘xta! Signaldan o‘tish taqiqlanadi».
8. Poyezdlarni krestovinasining og‘ishi katta strelkali o‘tkazgich bo‘ylab yon yo‘lga qabul qilish uchun kirish va marshrut svetoforlarida quyidagi signallar qo‘llaniladi:
bitta yashil o‘chib yonuvchi va bitta sariq chiroqlar va bitta yashil yonuvchi tasma – «Poyezdga 80 km/soat dan oshmagan tezlikda stansiyaning yon yo‘liga kirib borishi mumkin; keyingi svetofor (marshrut yoki chiqish) ochiq va uni 80 km/soat dan oshmagan tezlikda o‘tish talab etiladi» (rasm 2.3, a);





Rasm 2.3, a


ikkita sariq chiroq, ulardan yuqoridagisi o‘chib yonuvchi va bitta yashil yonuvchi tasma - «Poyezdga 80 km/soat dan oshmagan tezlikda stansiyaga yon yo‘ldan ketib borishga ruxsat etiladi; keyingi svetofor (marshrut yoki chiqish) ochiq va uni pasaytirilgan tezlikda o‘tish talab etiladi» (rasm 2.3, b);

Rasm 2.3, b


ikkita sariq chiroq va bitta yashil yonuvchi tasma – «Poyezdga 60 km/soat dan oshmagan tezlikda stansiyaga yon yo‘ldan to‘xtashga tayyor holda kirib borishga ruxsat etiladi: keyingi svetofor yopiq» ( rasm 2.3, v).

Rasm 2.3, v

Zarur bo‘lgan hollarda kirish va marshrut svetoforlarida bitta yashil o‘chib–yonuvchi chiroq signali qo‘llanilishi mumkin - «Poyezdga belgilangan tezlikda stansiyaning asosiy (bosh) yo‘lidan kirib borishiga ruxsat etiladi, keyingi svetofor (marshrut yoki chiqish) ochiq va uni 60 km/soat dan oshmagan tezlikda o‘tish talab etiladi» (rasm 2.4, a).