O`zbek tili va adabiyotini o`qitish metodikasi

ELEKTRON DARSLIK – qog‘oz kitoblar o‘rniga elektron axborot vositalarida darslik matni, takrorlash, mustahkamlash va nazorat uchun savol-topshiriqlar, tegishli illyustratsiyalardan tashqari, mavzular bo‘yicha videoroliklar, audioyozuvlar, virtual laboratoriya va boshqa bir qancha qo‘shimcha materiallar jamlangan didaktik ashyo. Oddiy darslik faqat mahlumot, u ham bo‘lsa, matn, didaktik apparat va illyustratsiyadan iborat bo‘ladi. E.d.larning samaradorlik darajasi kamida uch baravar ko‘p bo‘ladi.

ELEKTRON O‘QUV ADABIYOTI –barcha o‘quv fanlari bo‘yicha yaratilgan elektron darsliklar, yordamchi didaktik vositalar, kitoblar, lug‘atlar, qomuslar va boshqa E.o‘.a.lari hisoblanadi. O‘quvchilarga E.o‘.a.lar bilan ishlash oddiy darsliklar bilan ishlashdan ko‘ra qiziqarliroq.

ELEKTRON O‘QUV-METODIK MAJMUALAR – sifatli va chuqur bilim berishga xizmat qiladigan barcha didaktik ashyolarning bir joyga to‘plangan elektron nusxasi. O‘zbekiston Respublikasi Oliy va o‘rta maxsus hamda Xalq ta’limi vazirliklari tomonidan ta’lim tizimida o‘tiladigan barcha fanlar yuzasidan E.o‘.m.m. yaratildi. Nafaqat darsliklar, ma’ruza matnlari, balki ulardan foydalanish uchun zarur bo‘lgan metodik adabiyotlar, nazorat savollari, kurs ishlari mavzulari, joriy, oraliq va yakuniy nazorat ishlari savollari, baholash mezonlari, saboqlarda foydalaniladigan slaydlarning ham elektron variantlari E.o‘.m.m.lardan o‘rin olgan.