O`zbek tili va adabiyotini o`qitish metodikasi fanidan ma’ruza (VI semester 4-kurs) Individuallik

«TARMOQLASH» METODI
Texnologiyaning tavsifnomasi. Bu mashg‘ulot talabalani berilgan ma'lum bir mavzu yuzasidan jamoada yoki kichik guruhlarda ishlash orqali fikrlash, berilgan fikrlarni tahlil qilish, erkin, ochiq o‘ylash, shaxsiy fikrlarini bemalol bayon etish, umumiy fikr doirasini kengaytirishga yordam beradi. Mazkur metod turli xil g‘oyalar o‘trasidagi aloqalar to‘g‘risida fikrlash imkonini beruvchi tuzilmani aniqlashni talab etadi. Undan ta'lim-tarbiya jarayonida foydalanish inson miya faoliyatining ishlash tamoyili bilan bog‘liq ravishda amalga oshiriladi. Bunda talabalar tomonidan mavzuni chuqur hamda puxta o‘zlashtirilgunga qadar fikrlash faoliyatining bir maromda bo‘lishini ta'minlashga xizmat qiladi. Metod avval talaba bilan yakka ishlash so‘ngra kichik guruhda ishlash orqali tashkil etiladi.
Texnologiyaning qo‘llanishi: ma'ruza, laboratoriya, seminar, amaliy mashg‘ulotlarda va talabalarni bo‘sh vaqtlarini samarali tashkil etishga bag‘ishlangan mashg‘ulotlarda foydalanish mumkin.
Mashg‘ulotda foydalaniladigan vositalar: A-3, A-4 formatdagi qog‘ozlar, yozuv taxtasi va markerlar.
Mashg‘ulotni o‘tkazish tartibi:
nimaniki o‘ylagan bo‘lsangiz shuni qog‘ozga yozing;
fikringizni tahlil qilmay ularni ketma-ket yozib boravering;
yozish jarayonida orfografik, grammatik jihatlariga e'tibor bermang;
berilgan vaqt nihoyasiga yetmaguncha yozishdan to‘xtamang;
agar ma'lum muddat biror bir g‘oyani o‘ylay olmasangiz, u holda qog‘ozga biror narsaning rasmini chiza boshlang. Bu harakatni yangi g‘oya tug‘ulgunga qadar davom ettiring;
berilgan tushuncha doirasida imkon qadar ko‘proq yangi g‘oyalarni ilgari surishga hamda mazkur g‘oyalar o‘rtasida aloqadorlik, bog‘liqlikni ko‘rsatishga harakat qiling;
g‘oyalar yig‘indisining aloqalarini ko‘rsatishni cheklamang.
Talaba-yoshlarda ma'naviy va moddiy hayot uyg‘unligi fazilatlarini takomillashtirishda «Tarmoqlar» metodidan foyldalanish yo‘llarini misol sifatida keltiramiz.